+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Kredıt tóleýdi keıinge qaldyra alatyn salalar tizbesi keńeıdi

2020 jylǵy 5 maýsym 20:31
Bólisińiz:
Kredıt tóleýdi keıinge qaldyra alatyn salalar tizbesi keńeıdi

NUR-SULTAN. QazAqparat - Memleket basshysynyń tapsyrmasy boıynsha QR Qarjy naryǵyn retteý jáne damytý agenttigi kredıt boıynsha tólem merzimin keıinge qaldyra alatyn shaǵyn jáne orta kásipkerlik sýbektilerdiń qyzmet túriniń tizimin keńeıtti. Bul jóninde atalǵan agenttikke silteme jasap QazAqparat habarlaıdy.

Tıisti buıryq 26 mamyrda qabyldandy. Osy buıryqqa qosymshada qyzmet túrleriniń 357 jikteýishi bar.

Jańa tizbege tótenshe jaǵdaıdy engizý saldarynan kóbirek zardap shekken salalar kirdi. Bul – saýda, óńdeýshi ónerkásip, kólik jáne qoımada saqtaý, turý jáne tamaqtaný, aqparat jáne baılanys, bilim berý jáne densaýlyq saqtaý salalary.

Eske sala keteıik, 11 mamyrda tótenshe jaǵdaı rejımin qamtamasyz etý jónindegi memlekettik komıssııanyń qorytyndy otyrysynda Prezıdent Qarjy naryǵyn retteý jáne damytý agenttigine Úkimetpen birlesip, nesıe tólemin keıinge qaldyratyn salalar tizbesin keńeıtýdi tapsyrǵan bolatyn.

«Bankter men basqa qarjy uıymdary kredıt boıynsha tólem merzimin keıinge qaldyrýdy usynatyn salalar tizbesin keńeıtý - bıznesti qoldaýdyń taǵy bir sharasy bolady. Oǵan saýda, óńdeýshi ónerkásip, kólik jáne qoımada saqtaý, turý jáne tamaqtaný, aqparat jáne baılanys, bilim berý jáne densaýlyq saqtaý salalary engizilýi tıis», - dep atap ótti Memleket basshysy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT