+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

QR UQK Shekara qyzmeti: TJ kezinde júk tasymaldaýǵa esh shekteý qoıylǵan joq

2020 jylǵy 26 maýsym 12:58
Bólisińiz:
QR UQK Shekara qyzmeti: TJ kezinde júk tasymaldaýǵa esh shekteý qoıylǵan joq

NUR-SULTAN. QazAqparat – Qazaqstan Tótenshe jaǵdaı kezinde de, keıin de memleketaralyq júk tasymalyna óz shekarasynda eshqandaı shekteý qoıǵan joq. Bul týraly QR UQK Shekara qyzmeti Shekaralyq baqylaý departamenti bastyǵynyń orynbasary polkovnık Ǵanı Aǵadilov málim etti, dep habarlaıdy QazAqparat tilshisi.

«Qazirgi tańda álemdegi pandemııa jaǵdaıyna baılanysty bizdiń azamattardan, shetel azamattarynan, sonymen birge birqatar memlekettik uıym atynan memlekettik shekaradan ótý boıynsha ártúrli suraq túsýde. 11 mamyrdan bastap Qazaqstanda Tótenshe jaǵdaı rejımi toqtatyldy. Alaıda halyqtyń qaýipsizdigin qamtamasyz etý úshin karantındik sharalar jalǵasýda. Bul is-sharalar aıasynda vedomstvoaralyq komıssııanyń hattamasymen memlekettik shekaradan ótkizý tártibi bekitildi. Tártiptiń talabyna sáıkes sanıtarlyq-epıdemıologııalyq jaǵdaı jaqsarǵanǵa deıin shekaradan ótýge ýaqytsha tyıym salynǵan. Bul rette Qazaqstan azamattaryna el aýmaǵyna kedergisiz qaıtyp kelýine, shetel azamattaryna Qazaqstannan shyǵýǵa ruqsat berilgen», - dedi Ǵanı Aǵadilov OKQ-da ótken baspasóz máslıhatynda.

Ol óz sózinde shekteýler dıplomattarǵa, ushaq pen teńiz ekıpajdaryna, poıyz brıgadalaryna, júk avtokólikterdiń júrgizýshilerine jáne basqa basqa tulǵalarǵa qoldanylmaıtynyn jetkizdi.

«Shekteýlerge qatysty tolyq tizimmen Ulttyq qaýipsizdik komıtetiniń saıtynda, Instagram-akkaýntynda tanysýǵa bolady. Atap aıtý kerek, TJ kezinde, keıin de memleketaralyq júk tasymaldaýǵa QR shekarasynda eshqandaı shekteýler qoıylǵan joq. Shekara qyzmetiniń bólimsheleri jalpy karantın kezinde 100-den asa turaqty, charterlik ushaqtarmen, avtobýstarmen elge oralǵan 15 myńnan asa QR azamattaryn baqylaýdy qamtamasyz etti. Shetel memleketterdiń elshilikterinen kelip túsken resmı ótinishter boıynsha QR arqyly 2700-den asa Ózbekstan azamatynyń, myńnan asa Qyrǵyzstan azamatynyń, 800-den asa Tájikstan azamatynyń uıymdastyrǵan tranzıti qamtamasyz etildi», - dedi ol.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT