+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

QR UQK Pavlodar oblysynyń ákimi Bolat Baqaýovqa qatysty qylmystyq is qozǵady

2020 jylǵy 16 qańtar 17:36
Bólisińiz:
QR UQK Pavlodar oblysynyń ákimi Bolat Baqaýovqa qatysty qylmystyq is qozǵady

NUR-SULTAN. QazAqparat – QR Ulttyq qaýipsizdik komıteti Pavlodar oblysynyń ákimi Bolat Baqaýovqa qatysty qylmystyq isti tergep jatyr, dep habarlaıdy QazAqparat.

«Ulttyq qaýipsizdik komıteti 2020 jylǵy 15 qańtarda Pavlodar oblysynyń ákimi Bolat Baqaýovqa qatysty laýazymdyq ýákilettigin asyra paıdalaný faktisi boıynsha QR QK-niń 362-baby 2-bóligi 3-tarmaǵy boıynsha tirkelgen qylmystyq iske sáıkes jedel-tergeý sharalaryn júrgizdi. Qazirgi ýaqytta tergeý amaldary jalǵasýda. Osy kezeńde tergeý múddesine oraı tolyq derekter jarııalanýǵa jatpaıdy», - delingen UQK aqparatynda.

Eske salaıyq, 15 qańtar kúni keshke áleýmettik jeliler men birqatar buqaralyq aqparat quraldarynda Pavlodar oblysynyń ákimi Bolat Baqaýovtyń ustalǵany jáne tergelip jatqany týraly aqparat tarady.

Alaıda, óńir ákimdiginiń baspasóz qyzmeti bul faktini rastaıtyn resmı derekter joqtyǵyn málim etip, osy oraıda, qandaı da bir ózge aqparat jarııalaýdan aýlaq bolýǵa shaqyrdy.

Al 16 qańtar kúni tańerteń Pavlodar oblysy ákiminiń baspasóz qyzmeti ákimshilik qalypty jaǵdaıda jumys istep jatqanyn aıtty.

«Qazirgi ýaqytta oblys ákimdiginiń basshylyǵy qalypty rejimde jumys istep jatyr. Oblys ákimi ornynda emes, biraq ol jumys baby boıynsha qalada júr. Tańerteń ol Investorlar úıinde jınalys ótkizýi kerek edi. Biraq jumys kestesindegi ózgeristerge baılanysty kezdesýdi onyń orynbasary Arystan Qabykenov ótkizdi», - degen edi baspasóz qyzmetinen.

Aıta keteıik, Bolat Jumabekuly Baqaýov Pavlodar oblysynyń ákimi bolyp 2016 jyly taǵaıyndaldy.

Ol 1971 jyly Pavlodar oblysynyń Jelezın aýdanynda týǵan. Qazaq quqyqtaný jáne halyqaralyq qatynastar ınstıtýtyn, Halyqaralyq bıznes akademııasyn bitirgen. Mamandyǵy boıynsha zańger, ekonomıst-menedjer. Eńbek jolyn Pavlodar oblysy Jelezın aýdanynyń «Sovetskıı Kazahstan» keńsharynda jumysshy bolyp bastaǵan. 1993-2008 jyldary Pavlodar oblysynyń shaǵyn jáne orta bıznesiniń aýylsharýashylyq kásiporyndarynda kásipkerlikpen shuǵyldanǵan.

2008 jyldan bastap memlekettik qyzmetke keldi. Pavlodar oblysyndaǵy Qashyr aýdanynyń ákimi, Aqsý qalasynyń ákimi laýazymdarynda boldy. 2014-2016 jyldary - Pavlodar qalasynyń ákimi.



Foto: pavon.kz
Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT