QR Úkimetiniń delegatsııasy reseılik vaktsınany satyp alýdy talqylaý úshin Máskeýge barady

NUR-SULTAN. QazAqparat - Memleket basshysy Qasym-Jomart Toqaev Reseı Federatsııasynyń Prezıdenti Vladımır Pýtınge COVID-19 indetine qarsy álemdegi eń birinshi vaktsınanyń tirkelýine oraı quttyqtap, jedelhat joldady. QazAqparat bul týraly Aqordaǵa silteme jasap habarlaıdy.

Uqsas jańalyqtar

Alekseı Tsoı koronavırýsqa qarsy qazaqstandyq vaktsınany nelikten synap kórmegenin aıtty

Prezıdent Jaıyq ózenindegi sý deńgeıiniń tómendeýi problemasyn sheshýdi tapsyrdy Koronavırýsqa qarsy vaktsına jasaý úshin 0,5 mln akýla óltirilýi múmkin Qasym-Jomart Toqaev Ýkraına Prezıdenti Vladımır Zelenskııge kóńil aıtty

«Bul oqıǵa Reseı ǵylymynyń joǵary áleýeti men bedelin naqtylaı tústi. Sondaı-aq Reseıdiń osy jahandyq qaýip-qaterge qarsy kúrestegi jetekshi ról atqaratynyn kórsetti. Álemde qalyptasqan osynaý qıyn-qystaý kezeńde Qazaqstanǵa únemi qoldaý kórsetip, onyń ishinde, gýmanıtarlyq kómek berip jáne elimizdegi sanıtarlyq-epıdemıologııalyq ahýaldyń jaqsarýyna úlken úles qosqan dárigerler jibergenińiz úshin Sizge rızashylyq bildiremiz», – dep jazdy Qazaqstan Prezıdenti jedelhatta.

Qasym-Jomart Toqaev Qazaqstan men Reseıdiń atalǵan baǵyttaǵy tıimdi yqpaldastyǵy týraly da aıtty.

«Tamyz aıynyń ekinshi jartysynda Úkimettik delegatsııa reseılik vaktsınany satyp alý máselesin talqylaý úshin Máskeýge barady», – dep atap ótti Memleket basshysy.