QR Úkimeti 1 mln qazaqstandyqtyń tabysyn kóterýge kúsh salmaq
2022 jylǵy 21 maýsym 12:36

QR Úkimeti 1 mln qazaqstandyqtyń tabysyn kóterýge kúsh salmaq

NUR-SULTAN. QazAqparat – Qazaqstanda jumysshylardy basqa oryndarǵa aýystyrý arqyly eńbek ónimdiligin arttyrýǵa múmkindik bar. Bul týraly QR Premer-Mınıstri Álıhan Smaıylov Májilis depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Ekonomıkany ónimdiligi joǵary sektorlarǵa baǵyttap baptaý tetikteri strategııalyq josparlaý qujattarynda kórinis tapqan. Óıtkeni ekonomıkanyń sapaly damýy eńbek ónimdiliginiń artýyna tikeleı baılanysty», - dep jazady Úkimet basshysy depýttarǵa bergen jaýabynda.

Onyń sózine qaraǵanda, Qazaqstannyń 2025 jylǵa deıingi ulttyq damý josparynda damýdyń jańa modeli eńbek ónimdiligin arttyrý sharalaryn da qamtıtyny aıtylǵan. Osy baǵytty iske asyrý úshin 10 ulttyq joba ázirlengen.

«Agroónerkásip keshenin damytýdyń 2021-2025 jyldarǵa arnalǵan ulttyq jobasy iske asyrylyp jatyr. Sonyń aıasynda aýyl sharýashalyǵynda eńbek ónimdiligi bir adamǵa shaqqanda 6,2 mln teńge bolyp, eksport kólemi 6,6 mlrd dollarǵa deıin artady. Onyń ishinde qaıta óńdelgen ónimniń úlesi 70% bolyp, 2025 jylǵa qaraı aýyl sharýashylyǵy qyzmetkerleriniń aılyǵy 2 ese ósedi. Bul 1 mln adamnyń tabysynyń ósýine múmkindik beredi», - delingen Premer-Mınıstrdiń jaýabynda.

Finprom.kz saıtynyń málimeti boıynsha, Qazaqstan otbasylary tabystarynyń 50 paıyzyn azyq-túlikke, onyń ishinde 46 paıyzyn tamaq satyp alýǵa jumsaıdy.


Seriktester jańalyqtary

Jańalyqtar

Úrdis

MURAǴAT