+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

QR Tuńǵysh Prezıdent Qory muǵalimder úshin pikirtalas alańyn iske qosty

2020 jylǵy 2 sáýir 16:07
Bólisińiz:
QR Tuńǵysh Prezıdent Qory muǵalimder úshin pikirtalas alańyn iske qosty

NUR-SULTAN. QazAqparat - Búgingi kúni Qazaqstannyń bilim berý júıesinde mektepterdi, kolledj ben ýnıversıtetterdi onlaın bilim alý formatyna kóshirý boıynsha qyzý jumys atqarylýda. Koronavırýs karantınine baılanysty bilim berý sapasyn joǵaltpaı qashyqtan bilim berý formatyna qysqa ýaqytta kóshý qajettiligi týyndady.Osy jaǵdaıdy eskerip, Qazaqstan Respýblıkasy Túńǵysh Prezıdenti Qory men «Elbasy Akademııasy» korporatıvti qory fpp.kz saıtynda «Birge oqý» damytýshy pikirtalas alańyn iske qosýda. Bul týraly QazAqparat Qordyń baspasóz qyzmetine silteme jasap habarlaıdy.

Qazaqstandyqtardyń qashyqtan bilim alý formatyna kóshý barysy nátıjeli jáne yńǵaıly bolýy úshin «Birge oqý» jobasy muǵalimderge onlaın bilim berýdiń qyr-syryn tanystyryp, jańa tehnologııalardy meńgerýge kómektesý, sondaı-aq ata-analardyń qorqynyshyn seıiltip, daqpyrt týdyrmaý, jańa múmkindiktermen tanystyrý, balalarǵa sapaly bilim alýǵa múmkindik berý maqsatyn qoıyp otyr.

«Birge oqý» muǵalimderge onlaın oqytýdyń jańa tehnologııalary men resýrstaryn, ata-analarǵa jańa múmkindikter týraly aqparat berip, týyndap otyrǵan ýaıymdaryn aldyn alýǵa, al balalar úshin sapaly onlaın bilim alý joldaryn keńeıtýge baǵyttalǵan joba.

«Birge oqý» jobasynyń negizgi baǵyttary birinshiden, mektep muǵalimderine, qosymsha jáne arnaıy bilim berý. Sondaı-aq, ustazdar men ata-analarǵa arnalǵan pikirtalas alańynyń negizinde beriletin oqytý kýrsy aqysyz negizde júrgiziledi. Ekinshiden, Qazaqstanda jáne álemdegi onlaın bilimdi engizý týraly jańalyqtarmen bólisý. Úshinshiden, onlaın bilim alýdaǵy eń úzdik resýrstardyń tizimin usyný, sholýlar, avtorlyq baǵanalar.

Platforma muǵalimderge qashyqtan bilim berýdi qalaı jáne neden bastaý kerektigin túsindiretin kómekshi jáne seriktes bola alady. Onlaın bilim berýdiń negizgi quraldaryn, nusqaýlyq pen tehnıkasyn kórsetip, túsinikti aıtyp beredi. Kýrs barysyndaǵy barlyq protsester messendjerler, www.fpp.kz saıtynyń pikirtalas alańyndaǵy toptary men call-ortalyq arqyly keri baılanysty eskere uıymdastyrylady.

Alańdy qurý barysynda kóptegen jyldar boıy onlaın-bilim berý salasynda jumys isteıtin, bul oqytýdyń erekshelikteri men qaǵıdalaryn biletin ozyq otandyq muǵalimderdiń tájirıbesi eskerildi. Aýyldyq jerlerde onlaın oqytýdy uıymdastyrý quraldaryn zertteýge erekshe kóńil bólinedi.

Qoldanýshylar úshin vıdeo jáne aýdıo sabaqtar, konspektiler men jattyǵýlar usynylatyn bolady. Materıaldar keri baılanys arqyly alynǵan usynystardy qosa alǵanda kúndelikti jańalanyp, tolyqtyrylady. Budan bólek platforma negizinde qoldanýshylardyń jeke kontentin jarııalaý, arnaıy keńestermen bólisý, túrli baıqaýlar men saýalnamalarǵa qatysý múmkindigi kózdelgen.

Platformanyń áleýmettik jeli formatynda uıymdastyrylýy eń úzdik tájirıbelermen tez arada bólisýge, onlaın bilim alýdyń ózekti máselelerin talqylaýda, máselelerdiń sheshý joldaryn anyqtaýǵa múmkindik beredi.

Qoldanýshylarǵa yńǵaıly bolý úshin Youtube, What’s App, Facebook, Instagram, Odnoklassniki, Telegram jelilerinde «Birge oqý» jobasynyń paraqshalary iske qosylǵan. Sondaı aq 7170 nómiri arqyly sall ortalyqqa (qońyraý shalý tegin) habarlasýǵa bolady.


Bizdiń kanalymyzǵa jazylyńyz:

Basty sózder: Bilim, Internet,
Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT