+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

QR SІM Qyrǵyzstanda jaraqat alǵan qazaqstandyqtardy elge jetkizdi

2019 jylǵy 31 qańtar 20:17
Bólisińiz:
QR SІM Qyrǵyzstanda jaraqat alǵan qazaqstandyqtardy elge jetkizdi

ASTANA. QazAqparat - QR Syrtqy ister mınıstrligi men Respýblıkalyq sanıtarlyq avıatsııa ortalyǵy Qyrǵyzstanda jaraqat alǵan eki qazaqstandyqty elge jetkizdi, dep habarlaıdy QazAqparat QR SІM baspasóz qyzmetine silteme jasap.

«2019 jyldyń 23 qańtarynda Qyrǵyzstandaǵy Qazaqstan Respýblıkasy Elshiliginiń konsýldyq bólimine qazaqstandyq áıel habarlasty jáne Bishkek qalasynyń mańynda jaraqat alǵan týysyna kómek kórsetýdi suraǵan. Anyqtaı kele, eki qazaqstandyq Qyrǵyzstanǵa dostarynyń shaqyrýymen kelgeni anyqtaldy. Olar tóbeshikten syrǵanap júrgende, tıýbıngten (úrmeli syrǵanaq) jyraǵa qulaǵan. Aýyr jaraqat alǵandyqtan, aýrýhanaǵa jetkizilgen», - dep habarlady mınıstrliktiń baspasóz qyzmeti.

QR SІM resmı ókili Aıbek Smadııarov QR azamattarynyń Bishkek travmatologııa jáne ortopedııa ǵylymı-zertteý ınstıtýtynda qajetti em-dom alǵanyn habarlady.

«QR SІM kúsh salýymen naýqastardy Qazaqstanǵa tasymaldaý máselesi jedel sheshildi. 2019 jyldyń 30 qańtarynda Respýblıkalyq sanıtarlyq avıatsııa ortalyǵynyń (RSAO) arnaıy borty naýqastardy Astanaǵa jetkizdi. Bizdiń konsýl shekaralyq baqylaýdan, tekserýden kedergisiz ótýge jáne arnaıy avtokólikterdiń barlyq qujattaryn rásimdeýge kómektesti», - dedi ol.

RSAO-nyń habarlaýynsha, naýqastar Astanadaǵy travmatologııa jáne ortopedııa ǵylymı-zertteý ınstıtýtynda em alýdy jalǵastyrady.

QR Syrtqy ister mınıstrligi Qazaqstan azamattaryna shet elderde saq bolýǵa jáne tótenshe jaǵdaıda QR dıplomatııalyq ókildikterine habarlasýǵa keńes beredi.

Aıta keteıik, byltyr jazda Bishkek qalasynan 40 shaqyrym jerde ornalasqan Skrıabın muzdyǵynyń aýmaǵynda bir top týrıster tas kóshkininiń astynda qalyp qoıdy. Onda Qazaqstannyń tórt azamaty zardap shekti.
QR Syrtqy ister mınıstrligi Qyrǵyzstandaǵy tas kóshkininen bir qazaqstandyq azamattyń qaza tapqanyn habarlady.

31 shilde kúni Qazaqstan qutqarý qyzmetiniń tikushaǵy zardap shekkenderdiń barlyǵyn elge jetkizdi.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Úmbet Sholpan
Úmbet Sholpan
954-059

MURAǴAT