+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

QR SІM basshysy Ońtústik-Ońtústik yntymaqtastyq boıynsha BUU otyrysynda sóz sóıledi

2020 jylǵy 27 qyrkúıek 16:06
Bólisińiz:
QR SІM basshysy Ońtústik-Ońtústik yntymaqtastyq boıynsha BUU otyrysynda sóz sóıledi

NUR-SULTAN. QazAqparat – Qazaqstannyń Syrtqy ister mınıstri Muhtar Tileýberdi BUU Bas Assambleıasynyń 75-shi sessııasy aıasynda kedeılikti azaıtý jáne Ońtústik-Ońtústik yntymaqtastyǵy boıynsha BUU joǵary deńgeıdegi otyrysyna beınekonferentsııa rejıminde qatysty, dep habarlaıdy QazAqparat QR SІM baspasóz qyzmetine silteme jasap.

Іs-sharaǵa BUU múshe-memleketer syrtqy saıası vedomstvolarynyń basshylary jáne BUU Bas hatshysynyń orynbasarlary qatysty.

Sóz sóıleý barysynda qatysýshylar pandemııanyń jaǵymsyz saldarynyń biri retinde kedeılik sheginen tómen ómir súretin adamdar sanynyń edáýir kóbeıýin atap ótti. Bul «Ońtústik» elderiniń 2030 jylǵa deıingi turaqtyń damýdyń jahandyq kún tártibiniń maqsattaryna jetý jolyndaǵy sońǵy jyldary qol jetkizgen jetistikterin joıý múmkin.

Osyǵan baılanysty M.Tileýberdi Prezıdent Qasym-Jomart Toqaevtyń 2020 jylǵy mamyrda BUU-nyń damýdy qarjylandyrý jónindegi forýmynda jarııalaǵan densaýlyq saqtaý salasyna ınvestıtsııalardy ulǵaıtý jáne aımaqtyq damý jobalaryn iske asyrýdyń ornyna qaryz aýyrtpalyǵyn azaıtý sııaqty ınnovatsııalyq usynystaryna nazar aýdardy.


Qazaqstan Ońtústik-Ońtústik formatyndaǵy yntymaqtastyqty damytý boıynsha jahandyq kúsh-jigerdi tolyqtaı qoldaıdy. Sońǵy 20 jyl ishinde elimiz negizinen Ortalyq Azııa men Aýǵanstannyń ekonomıkalyq áleýetin nyǵaıtýǵa baǵyttalǵan 500 mln AQSh dollarynan astam somaǵa damýǵa resmı kómek pen gýmanıtarlyq kómek kórsetti. Bul jumysty júıelendirý úshin KazAID arnaıy ulttyq agenttigin qurý boıynsha jumys júrgizilýde.

Ońtústik-Ońtústik yntymaqtastyq damýshy elder arasynda bilim, bilik, tájirıbe jáne resýrstarmen almasýdy kózdeıdi. Ońtústik-Ońtústik yntymaqtastyǵy saıası, ekonomıkalyq, áleýmettik, mádenı jáne tehnıkalyq salalarda ekijaqty, aımaqtyq jáne aımaqaralyq negizde júzege asyrylady.


Bizdiń kanalymyzǵa jazylyńyz:

#BUU   #QR SІM  
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT