+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

QR Prezıdentiniń janyndaǵy Keńes otyrysynda Jastar jylynyń qorytyndysy qaraldy

2019 jylǵy 9 jeltoqsan 17:23
Bólisińiz:
QR Prezıdentiniń janyndaǵy Keńes otyrysynda Jastar jylynyń qorytyndysy qaraldy

NUR-SULTAN. QazAqparat – Elordada QR Premer-Mınıstriniń orynbasary Berdibek Saparbaevtyń tóraǵalyǵymen QR Prezıdentiniń janyndaǵy jastar saıasaty jónindegi keńestiń kezekti XXIIІ otyrysy ótti, dep habarlaıdy QazAqparat tilshisi.

Keńes otyrysynyń jumysyna Úkimet músheleri, respýblıkalyq jastar uıymdarynyń kóshbasshylary, jastar saıasaty salasyndaǵy sarapshylar, sondaı-aq jastar saıasaty máseleleri jónindegi óńirlik basqarmalardyń basshylary qatysty.

«Búgin Jastar jylynyń qorytyndysy men aldaǵy jylǵa bekitiletin sharalardy qarastyramyz. Ózderińiz bilesizder, Elbasy 2019 jyldy Jastar jyly dep jarııalady. Árbir memlekettiń damýy eldiń jastaryna baılanysty. Sondyqtan ár memleket jastardyń damýyna, jańalyqtardy engizýine múmkindik jasaýy tıis», - dedi B. Saparbaev.

Onyń sózine qaraǵanda, Jastar jyly jobalaryn iske asyrý úshin jergilikti ári respýblıkalyq bıýdjetten, demeýshilerdiń kómegimen 300 mlrd teńgeden astam qarjy qarastyrylyp otyr.

«Úsh jylǵa Jol kartasy qabyldanǵanyn bilesizder. Sonyń ishinde tek qana bıyldyń ózinde 90 mlrd teńgedeı qarjy jumsaldy. «Eńbek» memlekettik baǵdarlamasy bar, onyń aıasynda qazirgi tańda jastar arasynan 170 myńnan astam adam qamtyldy. Atalǵan baǵdarlamanyń eń negizgi mindeti – jastardyń ózderiniń kásibin ashýǵa, qajetti mamandyq alýǵa jaǵdaı jasaý. Jalpy, óńirlerdegi kezdesýlerde baǵdarlamalardyń, jol kartasynyń oryndalýy jóninde árdaıym aıtamyz. Bizdiń maqsatymyz – sol jumystardy jalǵastyrý. Atap aıtqanda, kelesi jyl Memleket basshysy Qasym-Jomart Toqaevtyń usynysymen Volonter jyly dep jarııalandy. Bul qadam mańyzdy, sebebi eriktilerdiń negizi jastar ekeni belgili», - dedi Berdibek Saparbaev.

Aıta keteıik, Keńes otyrysynda Aqparat jáne qoǵamdyq damý mınıstri Dáýren Abaev jastar jylyn ótkizý qorytyndysy boıynsha baıandap, onyń basym baǵyttaryn atap ótti.

Sonymen qatar, otyrysta «Qazaqstan jastarynyń kongresi» ZTB atqarýshy dırektory T.Bolysovtyń, «Bolashaq» halyqaralyq stıpendııasy qaýymdastyǵynyń atqarýshy dırektory L.Demesınovanyń, «Jasyl El» respýblıkalyq shtabynyń basshysy A.Danııardyń, «Ulanǵaıyr Dala eli» qoǵamdyq birlestiginiń dırektory Ý.Bahretdınovtyń Jastar jyly aıasynda atqarylǵan jumystary týraly baıandamalary tyńdaldy.

Budan bólek, keńes músheleri 2020 jylǵa arnalǵan jastar saıasaty jónindegi keńestiń jumys josparyn maquldady.

Keńes otyrysynyń qorytyndysy boıynsha QR Premer-Mınıstriniń orynbasary B.Saparbaev jastardyń jumyspen qamtylýyn qamtamasyz etý, jumysqa ornalastyrý jáne kásipkerlik bastamany qoldaý jónindegi júıeli jumysty uıymdastyrýdy jalǵastyrýdy júktedi. Munymen qosa, jastardy «Dıplommen aýylǵa!», «Jastar tájirıbesi», «Jasyl el», «Serpin» jáne basqa da áleýmettik jobalaryn iske asyrýǵa keńinen tartýdy turaqty negizde qamtamasyz etý, sondaı-aq turǵyn úı qurylysy men jalǵa beriletin turǵyn úı berýdiń geografııasyn keńeıtý jónindegi máseleni pysyqtaý boıynsha birqatar tapsyrma berdi.

Esterińizge sala keteıik, QR Prezıdentiniń janyndaǵy Jastar saıasaty jónindegi keńes – elimizdegi memlekettik jastar saıasatyn jetildirý boıynsha sharalardy ázirleýdegi basty dıalog alańy bolyp sanalady.

Bizdiń kanalymyzǵa jazylyńyz:

Basty sózder: Jastar, Jastar jyly,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT