+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

QR Prezıdentiniń BUU Azyq-túlik júıeleri sammıtinde sóılegen sóziniń tolyq mátini

2021 jylǵy 24 qyrkúıek 09:31
Bólisińiz:
QR Prezıdentiniń BUU Azyq-túlik júıeleri sammıtinde sóılegen sóziniń tolyq mátini

NUR-SULTAN. QazAqparat - Aqorda Qazaqstan Prezıdenti Qasym-Jomart Toqaevtyń BUU-nyń Azyq-túlik júıeleri jónindegi sammıtte sóılegen sóziniń tolyq mátinin jarııalady, dep habarlaıdy QazAqparat.

Uqsas jańalyqtar
Prezıdent tapsyrmasy: BJZQ qazaqstandyqtarǵa úı jaǵdaıyn jaqsartýǵa 1,92 trln teńge aýdarǵan Qasym-Jomart Toqaev Majarstan Premer-mınıstriniń orynbasary Mıhaı Vargany qabyldady Memleket basshysy Qasym-Jomart Toqaev akademık Serik Qırabaevtyń otbasyna kóńil aıtty

Qurmetti Bas hatshy!

Sammıtke qatysýshylar!

Hanymdar men myrzalar!

Eń aldymen, Bas hatshy myrza, búgingi Sammıtti uıymdastyrǵanyńyz úshin Sizge rızashylyǵymdy bildiremin.

Álem klımattyń ózgerýi, COVID-19 pandemııasy, saıası ári ekonomıkalyq turaqsyzdyq sııaqty jahandyq syn-qaterlermen betpe-bet kelip otyr. Osyndaı kezde azyq-túlik naryǵynyń ornyqty damýy úshin jaǵdaı jasaý mańyzdy mindetterdiń biri bolady.

Azyq-túlik júıeleri tabıǵı qajettilik, qorshaǵan orta, ekonomıka men mádenıet sııaqty adamzat bolmysynyń barlyq qyryn qamtıdy.

Dúnıejúzilik azyq-túlik baǵdarlamasynyń baǵalaýy boıynsha koronavırýs pandemııasy men klımattyń ózgerýi nátıjesinde osy jyldyń sońynda álemde 270 mıllıonnan astam adam azyq-túliktiń jetispeýshiligin sezinedi. Al 2030 jylǵa qaraı álemdik sý tapshylyǵy 40 paıyzǵa jetýi múmkin.

Álem boıynsha azyq-túlikti jetkizýdiń belsendi qatysýshysy sanalatyn Qazaqstan agrarlyq sektordy ekologııalandyrýdy jáne ornyqty damytýdy qoldaıdy.

Elimiz bıdaı men un óndirýshi iri elderdiń ondyǵyna kiredi jáne jylyna 7 mıllıon tonnaǵa deıin bıdaı eksporttaıdy.

Biz negizgi tejeýshi faktorlarǵa qaramastan, maıly daqyldar eksportyn 1 mıllıon tonnadan asyrdyq. Degenmen, azyq-túlik júıesi ekonomıkalyq, áleýmettik jáne ekologııalyq turǵydan ornyqty bolýǵa tıis.

Qazaqstannyń egin sharýashylyǵy boıynsha qaýip-qateri bar aımaqta ornalasqan jáne qurǵaq klımattyń áserimen betpe-bet kelýde. Elimizdiń sý sharýashylyǵy 40 paıyz kórshi elderden aǵyp keletin sýǵa táýeldi.

Jer-sý resýrstaryn barynsha tıimdi paıdalaný maqsatynda jerdiń qunaryn arttyrý, sý únemdeý tehnologııalaryn engizý jáne sý ótkizý júıelerin tsıfrlandyrý jóninde sharalar qabyldadyq.

Ornyqty azyq-túlik júıeleri týraly aıtqan kezde kóptegen elde sý dıplomatııasyna qatysty máseleler ózekti ekeni anyq baıqalady.

Azyq-túlik júıeleri jónindegi problemalar men sý resýrstaryn basqarý, shekaraaralyq ózenderdi paıdalaný máseleleri ózara tyǵyz baılanysty. Munyń barlyǵy azyq-túlik júıeleri týraly kelisimderde kórinis tabýy kerek.

Qazaqstan Azyq-túlik qaýipsizdigi jónindegi Islam uıymyn qurýǵa bastamashy boldy. Qazirgi tańda onyń quramynda halqynyń jalpy sany 1,4 mıllıardqa jýyq 36 el bar.

Osy uıym aıasynda Qazaqstan jyl saıyn muqtaj elderge, onyń ishinde Aýǵan halqyna bıdaı men un jetkizý sııaqty qaıtarymsyz gýmanıtarlyq kómek kórsetip keledi.

Bas hatshy myrza!

Sammıtke qatysýshylar!

Aldymyzda atqaratyn aýqymdy jumystar tur. Memleketter arasyndaǵy agrotehnıkalyq, ǵylymı jáne ınnovatsııalyq baılanystardy nyǵaıtý qajet. Sonymen qatar qarjy, ınvestıtsııa, kólik jáne logıstıka salalaryn da ilgeriletýimiz kerek.

BUU-nyń Azyq-túlik jáne aýyl sharýashylyǵy uıymy jahandyq azyq-túlik qaýipsizdigin qamtamasyz etý jáne ony qoldaý maqsatynda turaqty ekojúıe qalyptastyrý úshin barynsha belsendi jumys isteýi qajet.

Sammıt ashtyqty joıý, azyq-túlik qaýipsizdigin qamtamasyz etý jáne ony jaqsartý, turaqty aýyl sharýashylyǵynyń damýyna yqpal etý sııaqty Ornyqty damýdyń ekinshi negizgi maqsatyna qol jetkizýge múmkindik beretinine senimdimin.

Raqmet!



Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT