+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

QR Prezıdenti Jastar jylynyń jabylý jáne Volonter jylynyń ashylý saltanatyna qatysýda

2019 jylǵy 10 jeltoqsan 10:58
Bólisińiz:
QR  Prezıdenti Jastar jylynyń jabylý jáne Volonter jylynyń ashylý saltanatyna qatysýda

NUR-SULTAN. QazAqparat – Elordada Memleket basshysy Qasym-Jomart Toqaevtyń qatysýymen Jastar jylynyń jabylý jáne Volonter jylynyń ashylý saltanaty bastaldy, dep habarlaıdy QazAqparat tilshisi.

Sharaǵa Qazaqstannyń barlyq aımaqtarynan 500-ge jýyq jas kelgen. Saltanatty rásim «ArtHUB» Shyǵarmashylyq bastamalardy qoldaý ortalyǵy qurylatyn pavılonda ótip jatyr. Pavılonnyń jalpy aýdany 2,5 myń sharshy metrdi quraıdy. «ArtHUB» jastar jasaǵan art-ınstalıatsııalarmen LOFT formatynda jasaqtalǵan jáne taqyryptar boıynsha aımaqtarǵa bólingen.

Aıta keteıik, 2019 jyl Qazaqstan Respýblıkasynyń Tuńǵysh Prezıdenti - Elbasynyń bastamasymen Jastar jyly dep jarııalap, Úkimet ony júzege asyrýdyń Jol kartasyn qabyldaǵan edi. Jol kartasynda jastardy qol jetimdi baspanamen qamtamasyz etý, bilim alý, jumyspen qamtý, bıznesti damytý, jas otbasyn qoldaý jáne syndy sharalar qarastyrylǵan.

2019 jyly 3 myń jas Qazaqstannyń úsh iri qalasynda, Nur-Sultanda - 1050 páter, Almatyda - 1050 páter, Shymkentte 900 jaldamaly turǵyn úı aldy. 3 myńnan astam jas mamanǵa 13,5 mlrd teńgege turǵyn úıge bıýdjettik nesıe berildi. «Dıplommen aýylǵa» jobasynyń qatysýshylaryna 1500 AEK-ten aspaıtyn mólsherde (3 787 500 teńge) bıýdjettik nesıe berý qarastyrylǵan.

Sonymen qatar bıyl«Jas kásipker» jáne «Jas maman» jobalaryn qamtıtyn «Jastar El-tiregi» jobasyn júzege asyrý bastaldy. Atalǵan jobalar «Eńbek» memlekettik baǵdarlamasy aıasynda júzege asyrylýda. Memlekettik qoldaý sharalarymen 209 myńnan astam jastar qamtyldy. Olardyń 172 myńy jumysqa ornalastyryldy.

«Jas kásipker» jobasy aıasynda 20 myń jas maman oqytyldy. 2019 jyly 9,5 myń jas jańa bıznes ıdeıalardy júzege asyrýǵa grant aldy. Jyl saıyn 10 myń jas grantqa ıe bolady. 2,5 myń jas kásipkerge óz isin damytý úshin shaǵyn nesıe berildi. Úsh jyldyń ishinde 15 myń adamǵa shaǵyn nesıe beriletin bolady. «Jasyl el» jobasy aıasynda 20 myńnan astam adam jumyspen qamtyldy. Bıyl 33 myńǵa jýyq jas jastar praktıkasyna jiberildi.

Jastar jylynda QR Bilim jáne ǵylym mınıstrligi 53 755 grant bóldi. Bul UBT tapsyrýǵa ótinish bildirgen árbir ekinshi úmitkerge JOO-ǵa túsýge múmkindik berdi. Ǵylymı áleýetti damytý maqsatynda Bilim jáne ǵylym mınıstrligindegi Ulttyq ǵylymı keńes arqyly jas ǵalymdardyń irgeli jáne qoldanbaly zertteýlerin granttyq qarjylandyrýǵa 3 mıllıard teńge bólindi.

2019 jyly jastardy qoldaýǵa baǵyttalǵan 2,8 mlrd teńge somasyna 56 granttyq joba júzege asyryldy. Jalpy, granttyq jobalar boıynsha 2 mıllıonnan astam jas memlekettik qoldaý sharalarymen qamtylǵan.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT