QR Prezıdenti janyndaǵy Ortalyq kommýnıkatsııalar qyzmeti quryldy

NUR-SULTAN. QazAqparat – Memleket basshysy QR Prezıdenti janyndaǵy «Ortalyq kommýnıkatsııalar qyzmeti» respýblıkalyq memlekettik mekemesin qurý jónindegi Jarlyqqa qol qoıdy, dep habarlaıdy QazAqparat Aqordaǵa silteme jasap.

Uqsas jańalyqtar

Prezıdent qoǵam qaıratkeri Sultan Sartaevtyń otbasyna kóńil aıtty

QR Prezıdentiniń memlekettik nagradalardy tapsyrý rásiminde sóılegen sóziniń tolyq mátini Memleket basshysy: Álemdik arenadaǵy elimizdiń bedelin nyǵaıtýǵa mindettimiz Qazaq tili órkenıettiń oı-pikirin qalyptastyratyn tildermen qatar turýy kerek - Memleket basshysy

Qazaqstan Respýblıkasynyń Prezıdenti janyndaǵy «Ortalyq kommýnıkatsııalar qyzmeti» respýblıkalyq memlekettik mekemesin qurý jáne Qazaqstan Respýblıkasy Prezıdentiniń keıbir jarlyqtaryna ózgeris pen tolyqtyrýlar engizý týraly

«Qazaqstan Respýblıkasynyń Prezıdenti týraly» Qazaqstan Respýblıkasynyń 1995 jylǵy 26 jeltoqsandaǵy Konstıtýtsııalyq zańynyń 33-babyna sáıkes qaýly etemin:

1. Nur-Sultan qalasynda Qazaqstan Respýblıkasynyń Prezıdenti janyndaǵy «Ortalyq kommýnıkatsııalar qyzmeti» respýblıkalyq memlekettik mekemesi (budan ári – mekeme) qurylsyn.

2. Mekemeniń shtat sany 33 birlik mólsherinde belgilensin.

3. Qazaqstan Respýblıkasy Prezıdentiniń Ákimshiligi mekemege qatysty ýákiletti organ bolyp aıqyndalsyn.

4. Qazaqstan Respýblıkasynyń Prezıdenti mekeme dırektoryn qyzmetke taǵaıyndaıdy jáne qyzmetten bosatady dep belgilensin.

5. Qazaqstan Respýblıkasynyń Úkimeti:

1) Qazaqstan Respýblıkasy Aqparat jáne qoǵamdyq damý mınıstrliginiń «Ortalyq kommýnıkatsııalar qyzmeti» respýblıkalyq memlekettik mekemesin, onyń múlkin mekemege bere otyryp, taratsyn;

2) bir aı merzimde mekemeniń jarǵysyn ázirlep, belgilengen tártipte bekitýge engizsin;

3) mekemeniń memlekettik tirkelýin qamtamasyz etsin;

4) osy Jarlyqtan týyndaıtyn ózge de sharalardy qabyldasyn.

6. Qazaqstan Respýblıkasy Prezıdentiniń Іs basqarmasy Qazaqstan Respýblıkasy Qarjy mınıstrligimen birlesip, mekemeni ornalastyrý úshin Qazaqstan Respýblıkasynyń zańnamasynda belgilengen tártippen úı-jaı bólýdi qamtamasyz etsin.

7. Osy Jarlyqqa qosymshaǵa sáıkes Qazaqstan Respýblıkasy Prezıdentiniń keıbir jarlyqtaryna ózgeris pen tolyqtyrýlar engizilsin.

8. Osy Jarlyq qol qoıylǵan kúninen bastap qoldanysqa engiziledi.

Nur-Sultan, Aqorda, 2019 jylǵy 22 shilde