+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

QR Prezıdenti: Uly dala – Eýrazııa keńistigin myńdaǵan jyldar boıy mekendegen halyqtardyń tarıhı shejiresiniń kýási

2019 jylǵy 24 maýsym 10:44
Bólisińiz:
QR Prezıdenti: Uly dala – Eýrazııa keńistigin myńdaǵan jyldar boıy mekendegen halyqtardyń tarıhı shejiresiniń kýási

NUR-SULTAN. QazAqparat - Elordada «Uly dala» ІV gýmanıtarlyq ǵylymdar forýmy bastaldy, dep habarlaıdy QazAqparat tilshisi.

Sharaǵa «Túrki órkenıeti: túp tamyrynan qazirgi zamanǵa deıin» taqyrybyna arnalyp otyr. Forýmda qazaqstandyq ǵalymdarmen birge Eýropa, Azııa men Amerıka qurlyǵynyń 21 elinen 250-ge jýyq tanymal ǵalymdar men belgili memleket, qoǵam qaıratkerleri qatysýda.

Jıyn barysynda QR Bilim jáne ǵylym mınıstri Ashat Aımaǵambetov Prezıdent Qasym-Jomart Toqaevtyń forýmǵa qatysýshylarǵa quttyqtaý hatyn oqyp berdi.

«Uly dala - Eýrazııa keńistigin myńdaǵan jyldar boıy mekendegen halyqtardyń tarıhı shejiresiniń kýási. Batys pen Shyǵys órkenıetterin toǵystyratyn úndestik pen úılesimniń besigi. Uly dala keńistiginde órkenıettiń gúli erte búrshik jaryp, zamanalar bederine, kúlli jahannyń ıgiligine aınalǵan qundylyqtar tolassyz jańǵyryp otyrǵan. Sondyqtan, búgingi forýmda talqylanatyn taqyryptardyń aýqymy keń, maǵynasy tereń, bolashaq urpaq úshin taǵylymy bolaryna kámil senemin. Elbasy Nursultan Ábishuly Nazarbaevtyń «Uly dalanyń jeti qyry» baǵdarlamalyq maqalasynda aıtylǵan adamzattyń rýhanı kemeldenýine tyń serpin beretin qundylyqtardy zerdeleýge, jańasha paıymdaýǵa búgingi forým zor múmkindik bereri sózsiz. Jahandyq syn-qaterler men qazirgi zamannyń kúrdeli úderisterin parasatpen jeńýge, kemeldik pen meıirbandyqty dáripteýge gýmanıtarlyq salanyń qosatyn úlesi sheksiz. Halyqaralyq Túrki akademııasynyń bastamasymen dástúrge aınalǵan bul forým ǵylymı ıntegratsııaǵa tyń serpin beredi. Ashyq pikir almasýlar men salıqaly saraptamalar túrkitaný ǵylymyna zor úles qosady dep senemin. Forým jumysyna sáttilik tileımin», - delingen Prezıdenttiń quttyqtaýynda.

Forýmǵa Bilim jáne ǵylym mınıstri Ashat Aımaǵambetov, QHA tóraǵasynyń orynbasary Janseıit Túımebaev, Mońǵolııanyń Tuńǵysh Prezıdenti Pýnsalmaagıın Ochırbat, Ázerbaıjan Respýblıkasynyń tuńǵysh Premer-mınıstri Gasan Gasanov, Qyrǵyz Respýblıkasy Prezıdentiniń kómekshisi Sýltan Raev, Qyrǵyz Respýblıkasy Joǵarǵy Keńesiniń tuńǵysh tóraǵasy Medetkan Sherımkýlov qatysýda.

«Qazaqstannyń Tuńǵysh Prezıdenti - Elbasy Nursultan Nazarbaevtyń «Uly dalanyń jeti qyry» maqalasynda Túrki áleminiń genezısi, túrki órkenıeti, Eýrazııa keńistigindegi uly daladaǵy túrki halyqtarynyń adamzat órkenıetine qosqan úlesi, alǵash ret jylqyny qolǵa úıretip, temirdi ıgergeni jaıly jazylǵan bolatyn. Arnaıy jıny ótkizý jóninde tapsyrma bolǵan. Sondyqtan, biz bıylǵy forýmdy osy taqyrypty talqylaýǵa arnap, «Túrki órkenıeti: túp tamyrynan qazirgi zamanǵa deıin» dep atap otyrmyz», - dedi Halyqaralyq Túrki akademııasynyń prezıdenti Darhan Qydyráli.

Forým «Túrki memlekettiginiń qalyptasý men damý tarıhy», «Uly dala órkenıeti jáne álemdik mádenıetke qosqan úlesi», «Túrki áleminiń ádebıeti men folklortanýyndaǵy ózekti máseleler», «Túrki áleminiń etnomádenı erekshelikteri», «Qazirgi túrkitaný: jańa kózqarastar men tásilder» jáne Eýrazııadaǵy ıntegratsııalyq úrdister: keńistik pen ýaqyttyń kókjıekteri» atty 6 taqyryptyq sektsııaǵa bólingen.

null

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT