+7 (701) 759 90 19
USD 376.72 EUR 408.67
RUB 5.76 CNY 53.68
Jańalyqtar

QR Prezıdenti Sybaılas jemqorlyqqa qarsy memleketter tobynyń atqarýshy hatshysyn qabyldady

2020 jylǵy 15 qańtar 17:44
Bólisińiz:
QR Prezıdenti Sybaılas jemqorlyqqa qarsy memleketter tobynyń atqarýshy hatshysyn qabyldady

NUR-SULTAN. QazAqparat – Memleket basshysy Qasym-Jomart Toqaev Sybaılas jemqorlyqqa qarsy memleketter tobynyń atqarýshy hatshysy Djanlýka Espozıtony qabyldady. QazAqparat bul týraly Aqordaǵa silteme jasap habarlaıdy.

Kezdesý barysynda Qazaqstannyń Sybaılas jemqorlyqqa qarsy memleketter tobyna múshe bolyp kirý máselesi, sondaı-aq Eýropa keńesimen yqpaldastyǵynyń perspektıvalary talqylandy.

Qasym-Jomart Toqaev Sybaılas jemqorlyqqa qarsy memleketter tobyna kirýge kórsetip jatqan qoldaýy úshin Eýropa Keńesine rızashylyǵyn bildirip, sybaılas jemqorlyqqa qarsy is-qımylda halyqaralyq uıymmen yntymaqtastyqtyń mańyzdylyǵyn atap ótti.

«Biz atalǵan uıymnyń qyzmetine atsalysýǵa óte múddelimiz. Bul bizdiń sybaılas jemqorlyqqa qarsy jumysymyzǵa, sonymen qatar, el damýyna keri áser etetin basqa da máselelerdiń sheshilýine tyń serpin beredi dep senemiz», – dedi Qasym-Jomart Toqaev.


Djanlýka Espozıto Qazaqstan men Sybaılas jemqorlyqqa qarsy memleketter tobynyń yntymaqtastyǵy eki tarapqa da tıimdi bolatynyn aıtty.

«Qazaqstannyń Sybaılas jemqorlyqqa qarsy memleketter tobyna múshe bolýy jemqorlyqpen kúrestiń prıntsıpteri men tetikterin jetildirý isine ǵana emes, sondaı-aq, bıznes-ahýaldy jaqsartýǵa, memlekettik qyzmet kórsetý jumysyn jandandyrýǵa da septigin tıgizedi», – dedi uıymnyń atqarýshy hatshysy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT