QR Prezıdenti Reseı-Ýkraına qaqtyǵysyn beıbit jolmen retteýge qatysty pikir bildirdi
2022 jylǵy 21 maýsym 20:03

QR Prezıdenti Reseı-Ýkraına qaqtyǵysyn beıbit jolmen retteýge qatysty pikir bildirdi

NUR-SULTAN. QazAqparat - Qazaqstan Prezıdenti Qatar ekonomıkalyq forýmynyń arnaıy paneldik sessııasy barysynda Reseı-Ýkraına qaqtyǵysyn beıbit jolmen retteýge qatysty pikir bildirdi, dep habarlaıdy QazAqparat.

Reseı-Ýkraına qaqtyǵysyn beıbit jolmen sheshý joldaryna qatysty suraqqa jaýap bergen Qazaqstan Prezıdenti kelissózderdi jalǵastyra berýdiń mańyzdy ekenin atap ótti.

Qasym-Jomart Toqaevtyń pikirinshe, bul qaqtyǵysty sheshýge taraptardyń erik-jigeri qajet. Sonymen qatar Memleket basshysy halyqaralyq qaýymdastyqtaǵy pikir qaıshylyǵy men atalǵan máseleni sheshýde BUU Qaýipsizdik Keńesiniń qaýqarsyzdyq tanytyp otyrǵanyna toqtaldy.

– BUU eshqashan mundaı yńǵaısyz jaǵdaıǵa tap bolǵan emes. Tipti «Qyrǵı-qabaq soǵys» kezinde de Birikken Ulttar Uıymynyń birligi budan áldeqaıda myǵym edi. Men BUU-nyń bolashaǵyna qatty alańdaımyn. Osy rette, kópqyrly saıasatqa senemin. Bul rette men halyqaralyq qaýymdastyqtyń birlik tanytyp, yntymaqtasa otyryp, eki memlekettiń beıbit bitimge kelýi úshin oń yqpal etýi kerek dep sanaımyn, – dedi Memleket basshysy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT