+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

QR Prezıdenti otandyq agrarlyq ǵylymdy damytýdy tapsyrdy

2019 jylǵy 17 qyrkúıek 19:45
Bólisińiz:
QR Prezıdenti otandyq agrarlyq ǵylymdy damytýdy tapsyrdy

PETROPAVL. QazAqparat - Memleket basshysy aýyldy jáne agroónerkásip keshenin damytý máseleleri jóninde keńes ótkizdi, dep habarlaıdy QazAqparat Aqordaǵa silteme jasap.

Uqsas jańalyqtar
Qasym-Jomart Toqaev Japonııa Premer-mınıstrine kóńil aıtty Toqaevtyń BUU 74-sessııasyna qatysýyna oraı ázirlengen jańa derekti fılm kórsetiledi Ábish Kekilbaıuly qara sózdiń qudireti arqyly eldiń namysyn oıatyp, rýhyn kóterdi - Prezıdent

Qazaqstan Prezıdenti elimizdegi ekonomıkalyq ósimniń qozǵaýshy kúshteriniń biri retinde agrarlyq sektordyń mańyzdylyǵyn atap ótti.

Memleket basshysy agroónerkásip keshenin damytý isindegi naqty máselelerdiń bar ekenine nazar aýdaryp, Úkimet pen jergilikti atqarýshy organdardyń aldyna birqatar mindet qoıdy.

Atap aıtqanda, Qasym-Jomart Toqaev álemde turaqty ári joǵary suranysqa ıe tıimdiligi joǵary daqyldardy (jasymyq, zyǵyr, soıa) ósirýge kóshý esebinen eńbek ónimdiligin arttyrý qajettigin aıtty. Onyń aıtýynsha, organıkalyq aýyl sharýashylyǵy óndirisin damytyp, zamanaýı agrotehnologııa men ınnovatsııany engizý kerek.

– Úkimet agrohımııa qyzmetin kúsheıtý, gerbıtsıdterdiń, mıneraldy tyńaıtqyshtardyń jáne elıtalyq tuqymdardyń qoljetimdiligin qamtamasyz etý jóninde túbegeıli sharalar qabyldaýy qajet, – dedi Prezıdent.



Memleket basshysy Úkimetke óndiristiń el aýmaǵynda ornalasý áleýetin zertteý arqyly aýyl sharýashylyǵy tehnıkalary parkiniń tozýyna qatysty máseleni sheshýdi tapsyrdy.

Álemdik tájirıbeni eskere otyryp mıneraldaý negizinde topyraqtyń qunarlylyǵyn jaqsartý – mańyzdy mindet. Memleket basshysy bul máseleni sheshý úshin sheteldik ınvestorlardy tarta otyryp, el aýmaǵynda tyńaıtqyshtar men pestıtsıdter shyǵaratyn daıyn lıtsenzııasy bar zaýyttar salýdy tapsyrdy.

Prezıdent barlyq aýyl sharýashylyǵy jerleriniń esebin alý isin aıaqtaýdyń, jer kadastryn tsıfrlandyrýdyń jáne jerlerdiń paıdalanylýyn ǵaryshtyq monıtorıng jasaý arqyly anyqtaýǵa kóshýdiń mańyzdylyǵyna arnaıy toqtaldy.

Baıandamada mal sharýashylyǵyn damytý máselesine zor kóńil bólindi. Memleket basshysy qoı etin, qus etin, qozy etin óndirýdiń, sútti mal sharýashylyǵyn damytýdyń jáne mal sharýashylyǵy ónimin eksportqa shyǵarý isin ilgeriletýdiń keleshegi bar dep esepteıdi. Bul úshin aldaǵy 10 jylda qosymsha 50 mıllıon gektar jaıylymdyq jer paıdalanýǵa beriledi. Sonymen qatar Prezıdent Úkimetke jem-shóp baǵasynyń joǵary bolý sebebine qatysty máseleni túbegeıli retteýdi tapsyrdy.



Qasym-Jomart Toqaev elimizdiń qaıta óńdelgen ónimderi syrtqy naryqta kedergilerge tap bolyp jatqanyn aıtty. Osyǵan baılanysty Memleket basshysy otandyq taýarlardy maqsatty túrde ilgeriletýdi jáne sheteldik seriktesterdegi ózgeristerge qatysty der kezinde áreket etýdi tapsyrdy.

Memleket basshysy otandyq agrarlyq ǵylymdy damytý isine jáne keıingi jyldary deńgeıi aıtarlyqtaı tómendegen kadrlardyń áleýetine arnaıy toqtaldy.

– Ulttyq agrarlyq ǵylym-bilim ortalyqtaryndaǵy eńbekkerlerdiń tek 20 paıyzynyń ǵylymı dárejesi bar. Sondyqtan agrarlyq salada bolashaǵy bar jas ǵalymdardyń pýlyn jasaqtaý qajet, – dedi Qasym-Jomart Toqaev.

Qazaqstan Prezıdenti aýyl halqynyń 85 paıyzy turatyn keleshegi bar tirek eldi mekenderdi damytý qajettigin aıtty. Onyń aıtýynsha, bul eldi mekender jol, qol jetimdi baılanys júıesi men Internet, bilim berý jáne densaýlyq saqtaý nysandary, mádenıet jáne sport keshenderi sııaqty ınfraqurylymdarmen qamtamasyz etilýi tıis.

Memleket basshysy aýyldyq jerlerde buqaralyq sportty damytý úshin 3 jyl ishinde 100 dene shynyqtyrý jáne saýyqtyrý keshenderin salýdy tapsyrdy. Sonyń ishinde 22 nysan bıyl iske qosylady.

Elbasy usynǵan «Aýyl – el besigi» jobasy aıasynda qosymsha 90 mıllıard teńge bólinetin bolady. Prezıdent «Dıplommen aýylǵa» baǵdarlamasyna bólinetin qarjyny jylyna 20 mıllıard teńgege deıin arttyrýdy tapsyrdy.

Sondaı-aq, Qasym-Jomart Toqaev aýyl turmysynyń sapasyn jaqsartý jóninde júıeli sharalar qabyldaýdyń mańyzdylyǵyn atap ótti.

– Aýyl sharýashylyǵy kásiporyndary, ásirese irileri shette qalmaýy tıis. Agrarıler memlekettik-jekemenshik seriktestigi qaǵıdatyna sáıkes aýyl turǵyndarynyń ómir súrý sapasyn jaqsartýǵa qatysty áleýmettik jaýapkershilikti bólisýi qajet, – dedi Memleket basshysy.



Respýblıkalyq keńes barysynda Aýyl sharýashylyǵy mınıstri Saparhan Omarov, «Zenchenko ı K» kommandıttik seriktestiginiń dırektory Gennadıı Zenchenko, «Agrofırma «Rodına» JShS-niń bas dırektory Ivan Saýer, «QazEksportAstyq» AQ dırektorlar keńesiniń tóraǵasy Rýslan Moldabekov, S.Seıfýllın atyndaǵy Qazaq agrotehnıkalyq ýnıversıtetiniń rektory Aqylbek Kúrishbaev jáne «Bioperations» JShS quryltaıshysy Álıhan Talǵatbek baıandama jasady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT