+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

QR Prezıdenti Ortalyq Azııa memleketteriniń syrtqy ister mınıstrlerimen kezdesti

2019 jylǵy 21 tamyz 21:06
Bólisińiz:
QR Prezıdenti Ortalyq Azııa memleketteriniń syrtqy ister mınıstrlerimen kezdesti

NUR-SULTAN. QazAqparat – Memleket basshysy Ortalyq Azııa memleketteriniń syrtqy ister mınıstrlerimen kezdesti, dep habarlaıdy Aqorda.

«Aqorda» rezıdentsııasynda Qazaqstan Prezıdenti Qasym-Jomart Toqaevtyń «S5+1» formatyndaǵy joǵary deńgeıdegi kezdesýge qatysý úshin Nur-Sultanǵa kelgen Qyrǵyzstan Respýblıkasy Syrtqy ister mınıstri – Chıngız Aıdarbekovpen, Tájikstan Respýblıkasy Syrtqy ister mınıstri – Sırodjıddın Mýhrıddınmen, Túrikmenstan Respýblıkasy Syrtqy ister mınıstri – Rashıd Meredovpen, Ózbekstan Respýblıkasy Syrtqy ister mınıstri – Abdýlazız Kamılovpen kezdesýi ótti.

Memleket basshysy dıplomattardy AQSh-pen óńirlik yntymaqtastyqty jáne qatynastardy nyǵaıtýdyń tıimdi tetigi sanalatyn «S5+1» formatyndaǵy kezekti kezdesýdiń tabysty aıaqtalýmen quttyqtady.

Qasym-Jomart Toqaev Ortalyq Azııa elderi arasyndaǵy ıntegratsııalyq úderisterdi odan ári damytýdyń mańyzdylyǵyn atap ótti.

«Kópǵasyrlyq ortaq tarıhymyz, tatý kórshilestigimiz, mádenı jáne dinı baýyrlastyǵymyz memleketterimizdi jaqyndastyratyn negizgi dińgek bolǵan jáne árqashan solaı bola beredi. Qazaqstannyń Tuńǵysh Prezıdenti – Elbasy Nursultan Nazarbaevtyń kúsh-jigeriniń arqasynda Ortalyq Azııadaǵy yntymaqtastyq syrtqy saıasatymyzda árdaıym basymdyqqa ıe boldy», – dedi Memleket basshysy.

Qasym-Jomart Toqaev óńir ishindegi saýda-sattyq, ınvestıtsııalyq, kólik jáne mádenı-gýmanıtarlyq baılanystardy damytý máselelerine arnaıy toqtaldy.

Memleket basshysy 2018 jyly naýryz aıynda Qazaqstannyń elordasynda ótken Ortalyq Azııa memleketteri basshylarynyń alǵashqy Konsýltatıvtik kezdesýinde qol jetkizgen ýaǵdalastyqtardy júzege asyrýdyń mańyzdy ekenin atap kórsetti.

«Bul oqıǵalar elderimizdiń arasyndaǵy qarym-qatynastardyń jańa kezeńine jol ashty desek, asyra aıtqandyq emes. Óńir ishindegi saýda-sattyq deńgeıiniń aıtarlyqtaı artýy sonyń aıqyn dáleli bolady», – dedi Qazaqstan Prezıdenti.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT