+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

QR Prezıdenti memleket tarapynan bıznesti qoldaý týraly aıtty

2020 jylǵy 24 qańtar 14:34
Bólisińiz:
QR Prezıdenti memleket tarapynan bıznesti qoldaý týraly aıtty

NUR-SULTAN. QazAqparat – Memleket basshysy Qasym-Jomart Toqaev memlekettik qoldaýǵa ıe bolǵan ár sýbekttiń jumysyn taldaý arqyly bul salaǵa baǵa berýge bolatynyn jetkizdi, dep habarlaıdy QazAqparat tilshisi.

«Jalpy ishki ónimniń 5 paıyzdyq kórsetkishine jetý úshin negizgi kapıtalǵa salynǵan ınvestıtsııa 2024 jylǵa qaraı Jalpy ishki ónimniń 30 paıyzyna jetýi kerek. Úkimet pen ákimder 2024 jylǵa deıingi ınvestıtsııalyq jobalar pýlyn bárin tolyǵymen júzege asyrýy tıis. Olardyń jalpy kólemi 44 trln teńgege teń. Taǵy da aıta keteıin, bizge sapaly ınvestıtsııalar kerek. Jaıly statıstıka shynaıy jaǵdaıdy kólegeılemeýi tıis. Sonymen birge, Parlamentte jatqan bıznes-klımatty jaqsartý boıynsha zańnamany jetildirý isin jedeldetý kerek», - dedi Prezıdent Úkimettiń keńeıtilgen otyrysynda.

Memleket basshysy sonymen qatar, bıznesti memlekettik turǵyda qoldaý sharalaryn kúsheıtýdiń mańyzyna toqtaldy.

«Qazirgi tańda tıimdilikti taldaý isi qoldaýdy alǵan árbir sýbekti zertteý arqyly júrgizilmeıdi. Jeke kásiporyndardy qoldaýdyń nátıjeleri kórinbeıdi. Sondaı-aq, memlekettik qoldaý kóbinese kúmándi jobalarǵa – janar-jaǵarmaı beketterine, saýda ortalyqtaryna jumsalyp jatyr. Álbette, ol da bıznes. Biraq, memlekettik bıznes budan da joǵary maqsattardy kózdeýi kerek. Ákimdikter, «Atameken» UKP-nyń óńirlik fılıaldary muny qatań baqylaýǵa alýy kerek. Úkimet «Atamekenmen» birlesip, ár sýbekt boıynsha monıtorıng júrgizetin arnaıy aqparattyq júıeni ázirleý jumysyn aıaqtaýy tıis», - dedi ol.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT