+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

QR Prezıdenti: Mashına jasaý – Qazaqstannyń óndiristik damýynyń jarqyn mysaly

2019 jylǵy 12 qyrkúıek 10:25
Bólisińiz:
QR Prezıdenti: Mashına jasaý – Qazaqstannyń óndiristik damýynyń jarqyn mysaly

NUR-SULTAN. QazAqparat – Qazaqstan Prezıdenti Qasym-Jomart Toqaev Qazaqstan mashına jasaýshylarynyń VII forýmyna qatysýshylarynyń jumysyna sáttilik tilep, quttyqtaý hat joldady.

Uqsas jańalyqtar
Qasym-Jomart Toqaev: Til mamandary jańa álipbıdi jetildirýi kerek Qazaqstan Prezıdentiniń aptalyq jumysyna vıdeosholý Qasym-Jomart Toqaev Mádenıet jáne sport mınıstrin qabyldady

Memleket basshysynyń hatyn elordadaǵy forým barysynda kómekshisi Máýlen Áshimbaev oqyp berdi, dep habarlaıdy QazAqparat tilshisi.

«Qazirgi ýaqytta mashına jasaý salasy, qosalqy bólshekter men quraýshylar óndirisinen bastap, ónimniń túpki túrlerin jasaýǵa kóshti: zamanaýı teplovozdar, elektrovozdar, jolaýshylar jáne júk vagondary, astyq jınaýshy kombaındar, avtobýstar, júk jáne jeńil avtokólikter, tranformatorlar men basqa da kúrdeli jabdyqtar. Bul sala álemdik ekonomıkalyq ahýalǵa sátti beıimdelgen jáne Qazaqstannyń óndiristik damýynyń jarqyn mysaly. HHІ ǵasyr tórtinshi ónerkásiptik revolıýtsııanyń bastaýymen erekshelenedi. Mashına jasaý Qazaqstannyń jetekshi salalarynyń biri retinde jahandyq úderisterimen úzeńgiles júretinine meniń senimim mol», - dedi Prezıdenttiń quttyqtaý sózin oqyp bergen Máýlen Áshimbaev.

Óziniń quttyqtaý hatynda Prezıdent mashına jasaýshylar men memlekettiń birlesken umtylysy osy salanyń ekonomıkany jańǵyrtýdyń draıveri bolýyna múmkindik beretinin atap ótti.

«Qazaqstan mashına jasaýshylarynyń VII forýmynyń qatysýshylaryna jemisti eńbek jáne alǵa qoıǵan maqsattaryna qol jetkizýde jetistikter tileımin», - delingen Memleket basshysynyń quttyqtaý hatynda.

Eske sala ketsek, Nur-Sultanda Qazaqstan mashına jasaýshylarynyń VII forýmy ótip jatyr. Forýmdy QR Indýstrııa jáne ınfraqurylymdyq damý mınıstrligi men Qazaqstan mashına jasaýshylar odaǵy, «Samuryq-Qazyna» UÁQ» AQ uıymdastyrǵan. Bıyl forým «Mashına jasaý – Qazaqstandy ındýstrııalandyrý draıveri» uranymen ótedi.

Jyl saıyn forýmǵa Germanııa, AQSh, Japonııa, Italııa, Chehııa, Reseı, Qytaı sekildi iri 20 memlekettiń delegattary qatysady. Osylaısha, otandyq kásiporyndar elden shyqpaı-aq sheteldik áriptesterimen kezdesý ótkizýge múmkindik alady.

Aıta keteıik, Nur-Sultanda Qazaqstan mashına jasaýshylarynyń VII forýmy ótip jatyr.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT