QR Prezıdenti Lázzat Qaltaevany Senat depýtaty etip taǵaıyndady

NUR-SULTAN. QazAqparat - Memleket basshysynyń Jarlyǵymen Lázzat Moldabekqyzy Qaltaeva Qazaqstan Respýblıkasy Parlamenti Senatynyń depýtaty bolyp taǵaıyndaldy. QazAqparat bul týraly Aqordaǵa silteme jasap habarlaıdy.

Lázzat Qaltaeva Qyzylorda qalasynda 1965 jyldyń 4 aqpanynda dúnıege keldi.

1987 jyldyń maýsym aıynan bastap Frýnze aýdandyq múgedekter qoǵamynda hatshy-referent, odan keıin basshynyń orynbasary retinde qyzmet atqardy.

1990 jyldan bastap 1997 jylǵa deıin «Tumar» JShS-de jáne «Vıktorııa» JShS-de marketıng ınjeneri qyzmetinde boldy.

1997 jyldan bastap 2000 jylǵa deıin «DAEKO» JAQ-da, «Dáneker» JAQ-na, «Qazaqstanaýdıt» JAQ-da baǵaly qaǵazdarmen mámileler jasaý jónindegi maman boldy.

2001 jyldan bastap osy ýaqytqa deıin - «Shyraq» múgedektigi bar áıelder qaýydastyǵy« QB, «Múgedektigi bar adamdardyń Ortalyq-Azııalyq forýmy« ZTB tóraıymy.

Bilimi joǵary, Kaspıı qoǵamdyq ýnıversıtetin «zańger« mamandyǵy boıynsha támamdaǵan.

Memlekettik marapattary: «QR Táýelsizdigine 20 jyl« mereıtoılyq medali, «Qurmet« ordeni.

Sýret: express-k.kz