USD 434.34 EUR 491.93
RUB 5.56 CNY 68.67
Jańalyqtar

QR Prezıdenti QazVac vaktsınasyn shyǵaratyn Qordaıdaǵy zaýytqa bardy

2021 jylǵy 4 qazan 16:34
Bólisińiz:
QR Prezıdenti QazVac vaktsınasyn shyǵaratyn Qordaıdaǵy zaýytqa bardy

TARAZ. QazAqparat - Memleket basshysy Qasym-Jomart Toqaev «Otarbiopharm» ımmýnobıologııalyq preparattar shyǵaratyn bıofarmatsevtıka zaýytyna bardy, dep habarlaıdy QazAqparat Aqordaǵa silteme jasap.

Uqsas jańalyqtar
Atyraý oblysynda koronavırýspen aýyrǵandar sany 6 myńnan asty ShQO-ǵa «Spýtnık Laıt» vaktsınasynyń 21 myń dozasy jetkizildi Qazaqstanda kásipkerler úshin karantın talaptary jeńildetildi

Qasym-Jomart Toqaevtyń Jambyl oblysyna jumys sapary Qordaı aýdanyndaǵy Bıologııalyq qaýipsizdik problemalary ǵylymı-zertteý ınstıtýtyna qarasty QazVac vaktsınasyn shyǵaratyn bıofarmatsevtıka zaýytynyń qyzmetimen tanysýdan bastaldy.

Prezıdentke vaktsına óndirisiniń tehnologııalyq jelisi, zerthanalyq jabdyqtar men mobıldi reaktorlar kórsetildi.

Instıtýttyń bas dırektory Kúnsulý Zakarııa Bıologııalyq qaýipsizdik problemalary ǵylymı-zertteý ınstıtýtyn odan ári damytý jospary týraly baıandady.

Zaýyt óndiristik tájirıbe boıynsha halyqaralyq standarttarǵa (GMP) saı keletin ımmýnobıologııalyq dári-dármekter, onyń ishinde koronavırýs indetine qarsy vaktsına, tumaýǵa, týberkýlezge, brýtsellezge, nodýlıarly dermatıtke jáne basqa da juqpaly aýrýlarǵa qarsy vaktsınalar shyǵaratyn bolady.

Jylyna bıofarmatsevtıka preparattarynyń 30-dan 60 mıllıonǵa deıin dozasyn ázirleý josparlanyp otyr. Jobanyń jalpy quny – 15,6 mıllıard teńge.

Qasym-Jomart Toqaevqa 16 qyrkúıek kúni 100 myń doza kóleminde vaktsına quıý óndirisi iske qosylǵany týraly málimet berildi.

TMD elderi arasynda Qazaqstan men Reseı ǵana COVID-19 indetine qarsy vaktsına óndirisin jolǵa qoıǵan.

Prezıdent zaýyt qyzmetkerlerimen áńgimelesý barysynda jobanyń mańyzdylyǵyn atap ótip, otandyq vaktsınanyń koronavırýs indetine qarsy kúreske jáne halyqtyń densaýlyǵyn kúsheıtýge zor úles qosatynyna senim bildirdi.

– Barshańyzdy quttyqtaımyn. Shyn máninde, bul - úlken jetistik. Elimiz úshin qajetti óndiris. Negizgi jumys oryndaldy. Bári durys. Kelesi jyly osy jumysty jalǵastyramyz. Vaktsına óte tıimdi. Gýmanıtarlyq kómek retinde bul vaktsınany Aýǵanstanǵa jáne basqa da musylman elderine jiberemiz. Vaktsınamyz dúnıe júzinde moıyndalyp jatyr. Sondyqtan barshańyzdy quttyqtaımyn! Rızashylyǵymdy bildiremin. Bul – óte kúrdeli protsess, óndiris. Shyn máninde, dúnıejúzinde, shetelde mundaı óndiris jasaý úshin úsh-tórt jyl ketedi. Biz toǵyz aıdyń ishinde jumysty oryndadyq. Sondyqtan eńbekterińiz memleket tarapynan joǵary baǵalanady, – dedi Qasym-Jomart Toqaev.



Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT