+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

QR Prezıdenti: Qazaqstandaǵy nemis kompanııalaryna qosymsha naryqqa shyǵýǵa múmkindik bolady

2019 jylǵy 6 jeltoqsan 18:20
Bólisińiz:
QR Prezıdenti: Qazaqstandaǵy nemis kompanııalaryna qosymsha naryqqa shyǵýǵa múmkindik bolady

BERLIN. QazAqparat – Memleket basshysy Qasym-Jomart Toqaev Berlın eýrazııalyq klýbynyń 28-otyrysyna qatysty, dep habarlaıdy Aqorda.

Uqsas jańalyqtar

Memleket basshysy jıynda sóılegen sózinde Tuńǵysh Prezıdent Nursultan Nazarbaevtyń bastamasymen qurylǵan Berlın eýrazııalyq klýby óz mańyzdylyǵyn dáleldegenin atap ótti.

«Atalǵan dıalog alańy Qazaqstan men Germanııa, Qazaqstan men Eýropa qatynastarynyń áleýmettik-saıası jáne ekonomıkalyq máselelerin keń aýqymda talqylaýǵa zor múmkindik beredi. Bul – elimizdiń Eýropadaǵy alǵashqy jobasy. Jahandyq turaqsyzdyq jaǵdaıynda mundaı ınstıtýttyń róli arta túsedi dep sanaımyz», – dedi Memleket basshysy.

Prezıdenttiń pikirinshe, sońǵy úsh jyl ishinde álemdegi geosaıası, geoekonomıkalyq ahýal eleýli ózgeristerge ushyrady. Sanktsııalar men saýda-sattyq shekteýler dástúrli dıplomatııalyq quraldardy jıi almastyra bastady.

«Álemdik ekonomıka elder men óńirlerdiń damýynda dısproportsııa, tehnologııalyq teńsizdik, qarjy júıesindegi álsizdik sııaqty «sozylmaly dertke» tap bolýda. Osyndaı kúrdeli jaǵdaıda elimizdiń syrtqy ekonomıkalyq jáne saýda saıasaty ashyq, pragmatıvti jáne qarapaıym. Qazaqstan ártúrli birlestiktermen, eldermen jáne kompanııalarmen ózara tıimdi yntymaqtastyq ornatý úshin ashyq bolyp qala beredi», – dedi Qasym-Jomart Toqaev.

Memleket basshysy Qazaqstannyń syrtqy saıasattaǵy basymdyqtaryna toqtalyp, Eýropa odaǵymen qarym-qatynastarǵa basa mán beretinin aıtty.

«Biz Eýropada bolyp jatqan oqıǵalardy muqııat qadaǵalap otyramyz, Eýropa kóshbasshylarymen turaqty túrde syndarly dıalog ornattyq. Qazaqstan Eýropa odaǵynyń Ortalyq Azııa óńirine qatysty jańa ustanymdaryna qoldaý kórsete beredi. Bizdiń Eýropamen yqpaldastyǵymyz, negizinen, Germanııamen aradaǵy ekonomıkalyq, tarıhı, mádenı baılanystar boıynsha erekshelenedi», – dep atap ótti Qasym-Jomart Toqaev.

Memleket basshysy forým qatysýshylarynyń nazaryn Qazaqstannyń qarqyndy ósip kele jatqan ınvestıtsııalyq áleýetine aýdardy.

«Bizdiń kórshi eldermen tyǵyz ıntegratsııamyz irgeles naryqtarǵa shyǵýǵa qolaıly jaǵdaı jasaıdy. Búginde 500 mln-nan astam adam bizben shekaralas kórshi elderde turady. Eýrazııalyq ekonomıkalyq odaq aıasynda eńbek qozǵalysy, qarjylyq qyzmet kórsetý, kapıtal jáne saýda sekildi tórt erkindik boıynsha basymdyqqa ıe bolǵymyz keledi. Ortalyq Azııadaǵy jaqyn kórshilerimizben tyǵyz yntymaqtastyǵymyzdy jalǵastyra beremiz. Sondyqtan Qazaqstanda jumys istep jatqan nemis kompanııalary úshin qosymsha naryqqa shyǵýǵa múmkindik ashylady», – dedi Qasym-Jomart Toqaev.

Prezıdenttiń aıtýynsha, Úkimet aýyl sharýashylyǵyna, jańa tehnologııalar men tsıfrlyq qyzmetter kórsetý salalaryna nemis ınvestıtsııasyn tartý isine qoldaý kórsetýge ázir.

«Biz «Tsıfrlyq Qazaqstan» arnaıy memlekettik baǵdarlamasyn qabyldadyq. Germanııadaǵy Fraýngofer ınstıtýty osy strategııalyq baǵdarlamany ázirleýge qatysty. Óńirimizdegi barlyq startaptarǵa qoldaý kórsetý maqsatynda Astana-hab jáne ІT-ýnıversıtet ashtyq. 3 jyldan keıin elimizdiń ІT salasynda daryndylar pýly qalyptasady dep úmittenemiz. Jalpy, biz tsıfrlandyrý salasynda úkimettik qurylymdar deńgeıinde de, jeke kompanııalar deńgeıinde de yntymaqtastyq ornatýǵa daıynbyz», – dedi Qazaqstan Prezıdenti.

Qasym-Jomart Toqaev Germanııany Qazaqstannyń strategııalyq seriktesi ekenin taǵy da atap ótip, elimizdegi nemis bıznesine tıisti jaǵdaı jasaıtynyn aıtty.

«Biz sizderge barynsha jeńildikter jasaýǵa daıynbyz. Sonyń ishinde arnaıy ekonomıkalyq aımaqtarda salyqtan bosatý, ınfraqurylym usyný jáne basqa da jeńildikter bar. Men «Qazaqınvest» pen Qazaqstannyń tikeleı ınvestıtsııalar qoryna Germanııa ınvestorlarymen yntymaqtastyq jasaıtyn arnaıy ofıs ashý jóninde tapsyrma berdim», – dedi Memleket basshysy.

Germanııa bıznesiniń elimizdegi jobalaryn iske asyrýǵa «Báıterek» holdıngi men Qazaqstan damý banki qoldaý kórsetetin bolady.

«Bul elimizdiń ınvestıtsııalyq júıesi úshin jańa shara bolyp sanalady. Biz buǵan deıin eshqandaı elge mundaı jaǵdaı jasaǵan emespiz. Osy bastama durys uıymdastyrylǵan jaǵdaıda Úkimet pen ınvestorlar muny tıimdi jumys isteıtin tetikke aınaldyrady dep senemin», – dedi Qasym-Jomart Toqaev.

Berlındegi AHІSA kongress-ortalyǵynda ótken is-sharaǵa GFR úkimetiniń joǵary laýazymdy qyzmetkerleri, sarapshylar, jýrnalıster jáne nemis bıznesiniń 250-den astam ókili qatysty.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT