+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

QR Prezıdenti: Germanııaǵa saparymnyń maqsaty – elderimiz yntymaqtastyǵyna qosymsha serpin berý

2019 jylǵy 5 jeltoqsan 20:29
Bólisińiz:
QR Prezıdenti: Germanııaǵa saparymnyń maqsaty – elderimiz yntymaqtastyǵyna qosymsha serpin berý

BERLIN. QazAqparat - Memleket basshysy Qasym-Jomart Toqaevtyń Germanııaǵa resmı saparynyń maqsaty – ekonomıkalyq yntymaqtastyq pen memleketter arasyndaǵy saıası ózara is-qımylǵa qosymsha serpin berý. Bul týraly Qazaqstan Prezıdenti Germanııa Kantslerimen bolǵan kelissózderden keıingi baspasóz máslıhatynda aıtty, dep habarlaıdy «QazAqparat» HAA menshikti tilshisi.

Uqsas jańalyqtar
Qasym-Jomart Toqaev qazaqstandyqtardy Táýelsizdik kúnimen quttyqtady Táýelsizdik aldyndaǵy demografııalyq daǵdarysty eńserdik - Memleket basshysy QR Prezıdenti: Baıtaq jerimizdi mura etken babalar amanatyna adal bolý – paryzymyz

Nemis tarapymen kelissózder barysynda kóptegen másele talqylandy. Áriptester ózara tıimdi yntymaqtastyqty odan ári jalǵastyrýǵa nıet bildirdi.

«Meniń saparymnyń maqsaty – eń aldymen, elderimiz arasyndaǵy ekonomıkalyq yntymaqtastyq pen saıası ózara is-qımylǵa qosymsha serpin berý», - dedi Memleket basshysy tilshiler aldynda sóılegen sózinde.

Germanııa Qazaqstan ekonomıkasyna ınvestıtsııa kólemi boıynsha 12-shi iri ınvestor. Germanııanyń tikeleı ınvestıtsııalarynyń jınaqtalǵan kólemi shamamen 5 mıllıard dollardy quraıdy.

«Germanııa ekonomıkalyq áleýeti jaǵynan álemdegi tórtinshi memleket bolǵanymen, bizdiń elimizge tikeleı ınvestıtsııa salyp otyrǵan memleketterdiń ishinde 12-orynda «, - dep atap ótti Qazaqstan Prezıdenti.

Osyǵan baılanysty Q.Toqaev «jaqyn ýaqytta bul jaǵdaı Germanııanyń paıdasyna qaraı ózgeretindigine» úmit bildirdi.

«Qazaqstan Úkimeti týraly aıtar bolsaq, biz germanııalyq ınvestıtsııany ekonomıkamyzǵa tartý úshin bar kúshimizdi salamyz. Nemis ınvestorlaryna qatysty arnaıy oıyn erejeleri qabyldanady», - dedi Qasym-Jomart Toqaev.

Sondaı-aq bizdiń el ekonomıkanyń strategııalyq salalarynda germanııalyq kapıtaldyń kóbirek bolýyna múddeli ekenin atap ótti.

«Aldaǵy jaqyn ýaqytta bizdiń ekonomıkamyzdyń 700-ge tarta iri, orta jáne shaǵyn aktıvterin jekeshelendirý ótedi. Jáne árıne, nemis kásipkerleriniń elimizdegi jumysyn quptaımyz», - dep atap ótti Memleket basshysy.

Germanııa Federatıvtik Respýblıkasynyń Kantsleri Angela Merkel Qazaqstanmen arada berik yntymaqtastyqtyń ornaǵanyn, Elbasy Nursultan Nazarbaevpen ózara túsinistikte jumys istegenin atap ótip, Qasym-Jomart Toqaevtyń eki el arasyndaǵy yqpaldastyqty jańa deńgeıge kóteretinine senim bildirdi, sondaı-aq búgingi kelissózderdiń nátıjeli ótkenin aıtty.

Eske salaıyq, QR Prezıdenti Q.Toqaevtyń Germanııaǵa ekikúndik resmı sapary ótýde.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT