+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

QR Prezıdenti elordadaǵy ashyq qudyqtarǵa qatysty: Bul - masqara

2019 jylǵy 14 maýsym 03:11
Bólisińiz:
QR Prezıdenti elordadaǵy ashyq qudyqtarǵa qatysty: Bul - masqara

NUR-SULTAN. QazAqparat - Álemdik deńgeıdegi kezdesýler ótip jatqan qalada ashyq qudyqtar máselesi áli de sheshimin tapqan joq. Bul týraly Prezıdent Qasym-Jomart Toqaev elorda aktıvimen ótken kezdesý barysynda aıtty, dep habarlaıdy QazAqparat «Habar 24» telearnasyna silteme jasap.

Buǵan deıin habarlaǵanymyzdaı, 13 maýsym kúni Nur-Sultan qalasynyń ákimi bolyp Altaı Kólginov taǵaıyndaldy. Aktıv keńesine shahardyń jańa basshysy men eks-ákim Baqyt Sultanov qatysty.

Shara barysynda Memleket basshysy birqatar áleýmettik túıtkilderdi kóterdi. Olardyń arasynda joldar men ashyq lıýkter máselesi de boldy.

«Qarańyzdarshy, qyrýar qarjy bólinip jatyr, al joldar shuryq-tesik. Qudyqtar problemasy bar. Bul masqara. Eýrazııa astanasy atalatyn elordada adamdar lıýktarǵa qulap, joǵalýda. Jáne bútin bir Úkimet pen ákimdik bul problemany sheshe almaı otyr. Jer betindegi máselelermen aınalysý qajet. Áńgimeler men ádemi sózderdi azaıtý kerek. Bul qolymyzdan keledi, biraq jumys isteńder. Eń birinshi kezekte, adamdar úshin», - dedi Prezıdent.

Sondaı-aq ol kóshedegi qaýipsizdik týraly aıta kele, jańa ákimge qalany ómir súrýge odan ári yńǵaıly etýdi tapsyrdy. Úılerdiń qurylysyn júrgizý, ınfraqurylymdy damytýmen qatar, balalar alańdaryn, skverler salýdy júktedi. Bul rette, álemdik ıdeıalardy qoldaný quptarlyq ekenin tilge tıek etti.



Budan bólek, Q.Toqaev bızneske qolaıly jaǵdaı qurý jáne jańa jumys oryndaryn ashý máselelerin kóterdi.

«Ahýalǵa júrgizgen analızdiń nátıjesi adamdar jumystyń joqtyǵyna alańdaýly ekenin kórsetip otyr. Sondyqtan, buǵan qatysty narazylyǵymdy bildiremin. Keshe ákimdermen keńes ótkizdim jáne olardyń jumysynyń basty kórsetkishi qansha jumys ornyn qura alǵanymen ólshenetinin aıttym. Árıne, bul mindet el ekonomıkasyn damytýdyń jalpy mindetinen týyndaýda. Ekonomıka barlyq halyqty eńbekpen qamtamasyz etetindeı jumys ornyn usyna almaıdy. Biraq soǵan umtylý kerek», - dedi ol.

Qazaqstan Prezıdenti sondaı-aq, halyqtyń masyldyq kóńil-kúıine qatysty aıtyp ótti. Kóp jaǵdaıda bos vakansııalar bolady. Biraq jumys isteıtin adam tabylmaıdy.

«Respýblıkalyq bıýdjettiń 50 paıyzdan astamy - bul áleýmettik bıýdjet. Biz negizgi qarjyny memleketti damytýǵa baǵyttaýymyz tıis. Osy jumystardyń barlyǵy muqııat qaıta qurýdy qajet etedi. Áleýmettik kómekke kimniń shynaıy muqtaj ekendigin naqty túsinýimiz kerek. Jumys isteı alatyn, biraq áleýmettik kómekke qol sozyp otyrǵandarmen basqasha jumys júrgizý qajet. Keri jaǵdaıda, eshbir bıýdjet mundaı qysymǵa shydas bermeıdi», - dedi Memleket basshysy.

Q.Toqaev málim etkendeı, aldaǵy taıaý ýaqytta bul salany damytýǵa baǵyttalǵan birqatar qujattarǵa qol qoıý josparlanyp otyr.

Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT