+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

QR Prezıdenti ekonomıkalyq ósimdi qalpyna keltirýge «Astana» HQO-ny jumyldyrýdy tapsyrdy

2020 jylǵy 2 shilde 19:52
Bólisińiz:
QR Prezıdenti ekonomıkalyq ósimdi qalpyna keltirýge «Astana» HQO-ny jumyldyrýdy tapsyrdy

NUR-SULTAN. QazAqparat - Memleket basshysy Qasym-Jomart Toqaev «Astana» halyqaralyq qarjy ortalyǵy Basqarý keńesiniń keńeıtilgen otyrysyn ótkizdi. QazAqparat bul týraly Aqordaǵa silteme jasap habarlaıdy.

Onlaın formatta ótken jıynda qaralǵan negizgi máselelerdiń biri - Qazaqstannyń ekonomıkalyq ósimin qaıta qalpyna keltirý jáne atalǵan úderistegi «Astana» halyqaralyq qarjy ortalyǵynyń (AHQO) róli.

Qasym-Jomart Toqaev óz sózinde AHQO bırjasyna byltyr Polımetall, «Qazatomónerkásibi» UAK» AQ jáne Halyk Bank sekildi iri korporatıvtik kompanııalardyń aktsııalarynyń sátti ornalastyrylǵanyn atap ótti. Qazaqstan Prezıdenti pandemııa men munaı baǵasynyń quldyraýynan týyndaǵan jahandyq daǵdarys jaǵdaıynda jáne damýshy elderdiń naryǵynan kapıtaldyń ketýi kezinde ulttyq ekonomıkany ártaraptandyrý úshin jańa reformalardy júzege asyrý qajet ekenin aıtty.

Memleket basshysynyń pikirinshe, AHQO el damýynyń orta merzimdi perspektıvaǵa arnalǵan strategııalyq baǵytyn aıqyndaý aıasynda ekonomıkalyq bastamalardy júzege asyrýǵa belsendi atsalysýy kerek.

– Іri ınvestorlardy bir ǵana el asa qyzyqtyrmaýy múmkin, al saýda jáne ónerkásiptik salalar boıynsha baılanysy myǵym Eýrazııalyq odaq pen Ortalyq Azııanyń búkil aımaǵyn elemeý qıyn. Qazirgi jaǵdaıda óńirdegi elder arasyndaǵy kez kelgen báseke ózara kúsh biriktirý jáne damýǵa yntalandyrý turǵysynan qarastyrylýy qajet dep sanaımyn. Investorlar osy elderdiń birine qyzyǵýshylyq tanytsa, bul ózge memleketterge de tabys ákeledi degen sóz. Osyǵan oraı AHQO óziniń biregeı múmkindikteri arqyly óńirdegi elderdi baılanystyratyn ámbebap platforma retinde qyzmet atqara alady, – dedi Prezıdent.

Qasym-Jomart Toqaev Qarjy ortalyǵy shetelden tikeleı ınvestıtsııa tartý úshin óziniń áleýetin tolyq paıdalanatynyna senim bildirdi. AHQO-nyń múmkindikteri ekonomıkalyq ósimdi qaıta qalpyna keltirý úshin barynsha jumyldyrylýy kerek.

– Bul Qarjy ortalyǵynyń bastapqy mindetine kirmegen bolar, biraq ózgeris engizetin ýaqyt keldi. Sondaı-aq ınvestıtsııa portfelderi kúsheıtýdi qajet etedi. Qundy qaǵazdardyń ishki naryǵy áli tolyq damyǵan joq. Sondyqtan senimdi ári naqty sharalar qabyldaý kerek. Qarjy naryǵyn retteý jáne damytý agenttigine AHQO-men birigip, qundy qaǵazdardyń ishki naryǵyn yqpaldastyrýǵa jáne damytýǵa baǵyttalǵan jańa ári naqty normatıvtik baza ázirleýdi tapsyramyn, – dedi Qasym-Jomart Toqaev.

Otyrys barysynda sarapshylar men AHQO Basqarý keńesiniń músheleri óńirdegi jáne álemdegi ekonomıkalyq jaǵdaı týraly óz oılaryn ortaǵa saldy, sondaı-aq, olar Memleket basshysynyń ózekti bastamalaryn qoldap, «Astana» halyqaralyq qarjy ortalyǵynyń múmkindikterin ulttyq jáne óńirlik deńgeıde paıdalaný aıasyn keńeıtý jónindegi pikirlerimen bólisti.

Jıynǵa J.P.Morgan Chase International kompanııasynyń burynǵy Basqarma tóraǵasy Djeıkob Frenkel, Islam damý banki tobynyń prezıdenti Bandar Hadjar, Eýropa qaıta qurý jáne damý bankiniń prezıdenti ser Sýma Chakrabartı, Reseı Sberbankiniń prezıdenti jáne basqarma tóraǵasy German Gref, Citigroup ınvestıtsııalyq jáne korporatıvtik bankiniń jahandyq úkimetter jáne memlekettik sektor blogynyń basshysy Djýlı Monako sekildi Basqarý keńesiniń músheleri qatysty. Sondaı-aq naqty sheshimder daıyndaýǵa Goldman Sachs International kompanııasynyń tóraǵasy Joze Manýel Barrozý, The Boston Consulting Group kompanııasynyń aǵa keńesshisi Antonıo Rıera, Garvard memlekettik basqarý mektebiniń professory jáne Ósim zerthanasynyń basshysy Rıkardo Haýsmann, FutureMap kompanııasynyń basqarýshy seriktesi Parag Hanna jáne álemniń basqa da jetekshi sarapshylary atsalysty.

Keńeıtilgen otyrys qorytyndysy boıynsha «Astana» halyqaralyq qarjy ortalyǵynyń jyldyq esebi men onyń 2025 jylǵa deıingi damý strategııasy qabyldandy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT