+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

QR Prezıdenti BUU Bas Assambleıasynyń joǵary deńgeıdegi plenarlyq otyrysyna qatysty

2021 jylǵy 28 qyrkúıek 21:07
Bólisińiz:
QR Prezıdenti BUU Bas Assambleıasynyń joǵary deńgeıdegi plenarlyq otyrysyna qatysty

NUR-SULTAN. QazAqparat - Memleket basshysy BUU Bas Assamleıasynyń ıAdrolyq qarýdy tolyq joıý jolyndaǵy Halyqaralyq kúres kúnine arnalǵan joǵary deńgeıdegi plenarlyq otyrysynda sóz sóıledi, dep habarlaıdy QazAqparat Aqordaǵa silteme jasap.

Qasym-Jomart Toqaev óz sózinde keıbir elderde jasalyp jatqan ıadrolyq baǵdarlamalardyń qarqyn alýyn únemi tónetin terrorlyq qaýip-qatermen baılanystyryp, aqyrzaman ornatatyn qarýlardyń qoldanylý qaýpi arta túskenin atap ótti. Qazaqstan Prezıdenti degenmen bul baǵytta belgili bir deńgeıde oń qadamdar jasalyp jatqanyna toqtaldy.

– ıAdrolyq qarýǵa tyıym salý týraly shart kúshine endi, Iranmen aradaǵy ıadrolyq qarýǵa qatysty mámileni qalypqa keltirý jónindegi kelissózder qaıta qaralýda, shabýyldaýǵa arnalǵan qarýlardy azaıtý jónindegi jańa shart uzartyldy, AQSh pen Reseı arasynda strategııalyq turaqtylyq týraly birlesken málimdeme qabyldandy. Árıne, ózara joıýǵa kepildik beretin doktrına ıadrolyq derjavalardyń jýyq arada óz arsenalynan bas tartýy ekitalaı ekenin bildiredi. Sondyqtan 2045 jylǵa deıin ıadrolyq qarýdan azat, beıbit ómir qalyptastyrýǵa umtylatynymyz týraly málimdeı otyryp, kóńildegini naqty iske asyratynymyzǵa skeptıkter kúmánmen qaraýy múmkin. Bizdiń tarıhı tájirıbemiz munyń basqasha bolatynyn kórsetedi, – dedi Memleket basshysy.

Qasym-Jomart Toqaev Qazaqstannyń Semeı ıadrolyq polıgonyn jabý týraly sheshim qabyldap, ıadrolyq qýaty jaǵynan tórtinshi sanalatyn arsenalynan bas tartqanyna bıyl 30 jyl tolǵanyn eske salyp ótti.

– On bes jyldan keıin Ortalyq Azııa memleketteri óz óńirlerin ıadrolyq qarýdan azat aımaq dep jarııalady. Bul – tolyqtaı Soltústik jarty sharda ornalasqan alǵashqy ıadrosyz óńir. ıAdrolyq qarý saıası tańdaý bolǵandyqtan jaǵdaı men strategııalyq ádister tez ózgerýi múmkin. Qazaqstannyń ıAdrolyq synaqtarǵa jan-jaqty tyıym salý týraly sharttyń tezirek kúshine enýine qol jetkizýge bel baılaǵanyn taǵy da naqtylaımyn. Qazaqstan adamzattyń damýy jolynda ıadrolyq qarýdan bas tartý jónindegi basymdyǵyn odan ári paıdalana beretinin bul baǵyttaǵy oń qadam retinde atap ótkim keledi, – dedi Prezıdent.

Memleket basshysy ıAdrolyq qarýdy taratpaý jónindegi shart ıadrolyq energııany azamattyq maqsatqa zańdy túrdi paıdalaný men ıadrolyq qarýdy taratýdyń ara-jigin ajyratatynyn aıtty. Prezıdenttiń aıtýynsha, ıadrolyq qýat birte-birte tómen kómirtekti energııanyń mańyzdy kózine aınalýda. Qazaqstanda óz atom ónerkásibin damytý úshin keshendi tehnıkalyq-ekonomıkalyq negizdeme jasalyp jatyr.

– ıAdrolyq qarýdan azat, beıbit ómir qalyptastyrý meniń úkimetimniń saıasatyndaǵy basymdyq bolyp qala beredi. Bul umtylys sońǵy otyz jyl ishinde Qazaqstandy ıadrolyq qarýǵa qarsy jahandyq qozǵalystyń jaqtaýshysy etti. Sonymen qatar bizdiń ulttyq tutastyǵymyzdyń bir bóligine aınaldy. Biz qarýsyzdaný jáne ıadrolyq qarýdy taratpaý jolyndaǵy kúsh-jigerimizdi aldaǵy ýaqytta sizdermen birlese jumsaýǵa daıynbyz, – dep málimdedi Qasym-Jomart Toqaev.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT