QR Prezıdenti Astana jáne Qazaqstan mıtropolıti Aleksandrdy qabyldady
2022 jylǵy 1 shilde 12:47

QR Prezıdenti Astana jáne Qazaqstan mıtropolıti Aleksandrdy qabyldady

NUR-SULTAN. QazAqparat - Memleket basshysy Astana jáne Qazaqstan mıtropolıti Aleksandrdy qabyldady, dep habarlaıdy QazAqparat Aqordanyń resmı saıtyna silteme jasap.

Kezdesýde Qasym-Jomart Toqaev Pravoslav shirkeýiniń Qazaqstanda birlik pen kelisimdi nyǵaıtýǵa qosqan úlesin joǵary baǵalap, din salasyndaǵy memlekettik saıasat máselelerine toqtaldy.

Memleket basshysy Qazaqstan mıtropolıttik aımaǵynyń etnosaralyq jáne konfessııaaralyq dıalogty damytý, adamgershilik qundylyqtardy ilgeriletý jolynda aýqymdy jumys atqaryp jatqanyn atap ótti.

Prezıdent qyrkúıek aıynda Álemdik jáne dástúrli dinder kóshbasshylarynyń VII sezi ótetinin aıtty. Onyń basty taqyryby – adamzattyń pandemııadan keıingi kezeńdegi rýhanı jáne áleýmettik damýynda dinı kóshbasshylardyń atqaratyn róli. Qasym-Jomart Toqaev Patrıarh Kırılldiń atalǵan forýmǵa qatysýy jahandyq dinaralyq jáne órkenıetaralyq dıalogqa tyń serpin beretinine senim bildirdi.

Óz kezeginde mıtropolıt Aleksandr Memleket basshysyna kezdesýge múmkindik bergeni úshin alǵys bildirip, Qazaqstan halqynyń ıgiligi jolyndaǵy jańǵyrýǵa baǵyttalǵan jasampaz reformalardy qoldaıtynyn jetkizdi.


Foto: akorda.kz

Jańalyqtar

Úrdis

MURAǴAT