+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

QR Prezıdenti «ArselorMıttal Temirtaý» AQ metallýrgııa kombınatynda boldy

2020 jylǵy 23 qarasha 18:18
Bólisińiz:
QR Prezıdenti «ArselorMıttal Temirtaý» AQ metallýrgııa kombınatynda boldy

TEMІRTAÝ. QazAqparat – Memleket basshysy Qasym-Jomart Toqaev «ArselorMıttal Temirtaý» AQ metallýrgııa kombınatyndaǵy myryshpen jáne alıýmınıımen qaptaý tsehynyń jumysymen tanysty. QazAqparat bul týraly Aqordaǵa silteme jasap habarlaıdy.

Kásiporynnyń atqarýshy dırektory Vadım Basın Prezıdentke óndiris protsesin uıymdastyrý jáne jabdyqtaý jumysynyń qaǵıdalary týraly aıtty.

Tseh myryshpen qaptalǵan oramdy jáne tabaqsha ónimderin óndiredi. Tsehtyń jalpy óndiristik qýaty jylyna 700 myń tonna ónim shyǵarýǵa jetedi.

Memleket basshysy tsehtyń daıyn ónimderi men jumys júktemesin qarap kórdi. Myryshpen qaptalǵan tabaqshalarǵa konstrýktsııalyq materıaldar óndirisi men qurylysta suranys joǵary. Metallýrgııa óndirisindegi bul ónimniń qosymsha quny qymbat.

«ArselorMıttal Temirtaý» AQ bas dırektory Naır Bıdjý Memleket basshysyna kásiporyndy odan ary damytý perspektıvasy, jańa koks baterııasy qurylysynyń jospary, ekologııalyq qaldyqtardy azaıtý jóninde qabyldanyp jatqan sharalar jaıynda málimet berdi.

– Bul qazaqstandyq metallýrgııadaǵy kóshbasshy kásiporyn. Munda Qazaqstannyń Tuńǵysh Prezıdenti Nursultan Ábishuly Nazarbaev óziniń eńbek jolyn bastaǵan. Biz óndiris qýatyn arttyrýdy maqsat etip otyrmyz. Maǵan jańa ınvestıtsııalyq jobalar, óndiristi jańǵyrtý, áleýmettik jaǵdaıdy jaqsartý jaıynda baıandady. Kásiporynnyń aldynda turǵan mindetter az emes. Sondyqtan ony retine qaraı sheshý kerek. Ol jaıynda buǵan deıin Premer-Mınıstrmen sóılestim. Jańa oblys ákimimen de birqatar máseleni talqyladyq. Barlyq máseleni aqyryndap sheshý qajet, – dedi Qazaqstan Prezıdenti.

Sonan soń Qasym-Jomart Toqaev metallýrgııa zaýytynyń eńbek ujymymen áńgimelesip, jumystaryna tabys tiledi.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT