+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

QR Prezıdenti Alibaba kompanııasynyń negizin qalaýshy Djek Mamen kezdesti

2019 jylǵy 12 qyrkúıek 15:40
Bólisińiz:
QR Prezıdenti Alibaba kompanııasynyń negizin qalaýshy Djek Mamen kezdesti

HANChJOÝ. QazAqparat - Qazaqstan Prezıdenti Qasym-Jomart Toqaev Hanchjoýǵa sapary aıasynda Alibaba shtab-páteriniń jańa kompýsyn aralap kórip, onyń damý tarıhymen, qyzmetimen tanysty, dep habarlaıdy QazAqparattyń Qytaıdaǵy tilshisi.

Odan keıin Memleket basshysy Alibaba kompanııasynyń negizin qalaýshy Djek Mamen kezdesti. Ekeýara sálemdesýden keıin Qasym-Jomart Toqaev Qytaı Halyq Respýblıkasy qurylýynyń 70 jyldyq, Alibaba kompanııasynyń 20 jyldyq mereıtoılarmen quttyqtady.


Óz kezeginde Djek Ma QR Prezıdenti Qasym-Jomart Toqaevqa quttyqtaýy úshin rızashylyǵyn bildirdi.

«Qazaqstanda 5 ret boldym. Qazaqstannyń mádenıeti men halqyn jaqsy kóremin. Ol jaqta meniń dostarym kóp. Bos ýaqytymdy Sizderdiń astanalaryńyzda ótkizgen unaıdy», - dep atap ótti ol.




Alibaba Group - ınternet-kommertsııa salasynda jumys isteıtin jahandyq kompanııa. Shtab-páteri Hanchjoý qalasynda ornalasqan. Qyzmetiniń negizgi túri - B2B syzbasy boıynsha kompanııalar arasyndaǵy saýda operatsııalary jáne bólshek onlaın-saýda. Alibaba.com ınternet-saıty bar. 2019 jyldyń basynda kompanııany kapıtaldandyrý 18 paıyzǵa artyp, 421,9 mlrd dollarǵa deıin jetti. 2019 jyldyń 10 qyrkúıeginde 55 jasqa tolǵan Djek Ma sol kúni álemdegi eń iri kompanııanyń basshysy qyzmetinen ketti.

Esterińizge sala ketsek, Qazaqstan Prezıdenti Qasym-Jomart Toqaev Qytaı Halyq Respýblıkasynda 2 kúndik memlekettik saparmen júr.

Sondaı-aq, Memleket basshysy Hanchjoýǵa sapary aıasynda ınnovatsııalyq ónimderdi álemdik naryqqa shyǵarý boıynsha kóshbasshy «Hikvision» kompanııasynyń jumysymen tanysty. Kompanııanyń basqarma tóraǵasy Chen Tszýnnıan Memleket basshysyna korporatsııanyń qurylý tarıhy, ınnovatsııalyq ónimder salasyndaǵy negizgi jetistikteri týraly áńgimeledi. Chen Tszýnnan 2001 jyly negizi qalanǵan kompanııanyń shaǵyn uıymnan jahandyq korporatsııaǵa deıingi jolyn baıandady. Búgingi tańda Hikvision halyqaralyq jelisiniń bas keńsesi Hanchjoýda, al Eýropa, Azııa jáne Amerıka elderinde 46 saýda ókildigi bar. Kompanııanyń ónimderi 150-den astam elde suranysqa ıe. 2018 jyly kompanııa satylymdarynyń kórsetkishi 19% ósip, 7,3 mlrd dollarǵa jetti. Jyldyq tabystyń 7-8%-yn jańa ázirlemelerge jumsaıdy.

Sonymen qatar, QR Prezıdenti sapar aıasynda Qytaıdyń ulttyq sháı murajaıy men Leıfen Pagodasyn aralaıdy dep josparlanǵan.


Bizdiń kanalymyzǵa jazylyńyz:

Basty sózder: Qytaı, Qazaqstan Prezıdenti,
Bólisińiz:

Aýdarma:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT