+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

QR Prezıdenti Abaıdyń 175 jyldyq mereıtoıy týraly Jarlyqqa qol qoıdy

2019 jylǵy 30 mamyr 18:22
Bólisińiz:
QR Prezıdenti Abaıdyń 175 jyldyq mereıtoıy týraly Jarlyqqa qol qoıdy

NUR-SULTAN. QazAqparat - QR Prezıdenti Qasym-Jomart Toqaev Abaıdyń 175 jyldyq mereıtoıyn merekeleý týraly Jarlyqqa qol qoıdy, dep habarlaıdy Aqorda. QazAqparat Jarlyqtyń tolyq mátinin jarııalaıdy.

***

Abaıdyń 175 jyldyq mereıtoıyn merekeleý týraly

2020 jyly qazaq halqynyń uly aqyny, aǵartýshysy Abaı Qunanbaıulynyń 175 jyldyq mereıtoıyn joǵary uıymdastyrýshylyq jáne mazmundyq deńgeıde merekeleýdi qamtamasyz etý maqsatynda QAÝLY ETEMІN:

1. Qazaqstan Respýblıkasynyń Úkimeti:

1) 2019 jylǵy 1 shildege deıin 2020 jyly qazaq halqynyń uly aqyny, aǵartýshysy Abaı Qunanbaıulynyń 175 jyldyq mereıtoıyn (budan ári - Abaı Qunanbaıulynyń 175 jyldyq mereıtoıy) daıyndaý jáne ótkizý jónindegi memlekettik komıssııa qursyn;

2) 2019 jylǵy 1 qazanǵa deıin Abaı Qunanbaıulynyń 175 jyldyq mereıtoıyn daıyndaý jáne ótkizý jónindegi jalpyrespýblıkalyq jospardy bekitsin;

3) Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıin keshendi jańǵyrtý jóninde qajetti sharalar qabyldasyn;

4) 2020 jyly Nur-Sultan qalasynda Abaı Qunanbaıulynyń 175 jyldyq mereıtoıyna arnalǵan halyqaralyq ǵylymı-praktıkalyq konferentsııa ótkizsin;

5) Abaı Qunanbaıulynyń eńbekterin keń taralǵan negizgi shet tilderine sapaly aýdarýdy júzege asyrý, basyp shyǵarý jáne halyqaralyq ilgeriletý jóninde qajetti sharalar qabyldasyn;

6) Abaı Qunanbaıulynyń 175 jyldyq mereıtoıyn Birikken Ulttardyń Bilim, ǵylym jáne mádenıet máseleleri jónindegi uıymy (ıÝNESKO) men Halyqaralyq túrki mádenıeti uıymy (TÚRKSOI) aıasynda merekeleýdi uıymdastyrý jónindegi máseleni pysyqtasyn;

7) Osy Jarlyqty iske asyrý jóninde ózge de sharalar qabyldasyn.

2. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

3. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q.Toqaev

Nur-Sultan, Aqorda, 2019 jylǵy 30 mamyr

№ 55

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT