+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

QR Prezıdenti: Abaı murasy «Rýhanı jańǵyrýdyń» mańyzdy baǵdaryna aınalýy qajet

2019 jylǵy 26 sáýir 12:08
Bólisińiz:
QR Prezıdenti: Abaı murasy «Rýhanı jańǵyrýdyń» mańyzdy baǵdaryna aınalýy qajet

SEMEI. QazAqparat - Uly Abaıdyń murasy «Rýhanı jańǵyrýdyń» mańyzdy baǵdaryna aınalýy qajet. Bul týraly Memleket basshysy Qasym-Jomart Toqaev Semeı qalasynyń zııaly qaýym ókilderimen kezdesýinde aıtty, dep habarlaıdy QazAqparat QR Prezıdentiniń baspasóz hatshysy Berik Ýálıge silteme jasap.

«Aldaǵy jyly Abaı Qunanbaevtyń týǵanyna 175 jyl tolady. Osy aıtýly datany biz tutas el bolyp, memlekettik deńgeıde atap ótemiz. Biz úshin bul mereıtoıdyń mańyzy erekshe. Tarıhı datany aqyl-parasatpen, salıqaly deńgeıde ótkizýge basa mán berý kerek. Negizgi maqsat - dana Abaıdyń taǵylymyn jastardyń sanasyna sińirý, uly tulǵanyń oı-tolǵamdaryn keńinen dáripteý. Úkimetke Abaıdyń mereıtoıyna qajetti sharalar ázirleýdi tapsyramyn. Abaı, shyn máninde, qazaq bolmysynyń aınasy», - dedi QR Prezıdenti.

Memleket basshysy aqynnyń dara tulǵasy - halqymyzdyń rýhanııatyn álemge tanytatyn teńdesi joq qundylyq ekendigin basa aıtty.

«Dúnıejúzi ádebıetinde Abaı sııaqty aqyn, aǵartýshy, oıshyl, synshy kemde-kem. Abaı, shyn máninde, qazaqtyń birtýar perzenti. Jıdebaıdaǵy keshendi jańǵyrtyp, ınfraqurylymdy qalpyna keltirý qajet. Hakim Abaıdyń týǵan jeri dúnıe júziniń túkpir-túkpirinen keletin týrısterdi qarsy alýǵa laıyqty iri ortalyqqa aınalýy tıis. Jergilikti basshylar osy mańyzdy máselege nazar aýdarýy qajet. Bul - babalar aldyndaǵy boryshymyz ári óskeleń urpaq úshin jaqsy ónege. «Rýhanı jańǵyrý», túptep kelgende, osy mindetti júrekpen sezinip, eshqandaı nusqaýsyz oryndaý ekenin biz tereń túsinýimiz kerek», - dedi Qasym-Jomart Toqaev.

Eske sala keteıik, Qazaqstan Prezıdenti Qasym-Jomart Toqaev Shyǵys Qazaqstan oblysyna jumys saparyn Semeı qalasynan bastalǵandyǵy týraly habarlaǵan bolatynbyz.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT