+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

QR Prezıdenti 2021-2025 jyldarǵa arnalǵan Ulttyq qaýipsizdik strategııasyn bekitti

2021 jylǵy 21 maýsym 18:56
Bólisińiz:
QR Prezıdenti 2021-2025 jyldarǵa arnalǵan Ulttyq qaýipsizdik strategııasyn bekitti

NUR-SULTAN. QazAqparat - Memleket basshysy Qasym-Jomart Toqaev «Qazaqstan Respýblıkasynyń 2021-2025 jyldarǵa arnalǵan Ulttyq qaýipsizdik strategııasyn bekitý týraly» Jarlyqqa qol qoıdy. QazAqparat bul týraly Aqordaǵa silteme jasap habarlaıdy.

Uqsas jańalyqtar

Ulttyq qaýipsizdik strategııasy budan buryn Tuńǵysh Prezıdent – Elbasy Nursultan Nazarbaevtyń tóraǵalyǵymen ótken Qaýipsizdik Keńesiniń otyrysynda qaralyp, maquldanǵan jáne eldiń ulttyq múddelerin qorǵaýǵa qatysty tujyrymdamalyq jaǵynan jańartylǵan tásilderdi qamtıdy.

Strategııa – Prezıdent Qasym-Jomart Toqaevtyń tapsyrmasy boıynsha engiziletin memlekettik josparlaýdyń jańa júıesiniń negizgi qujattarynyń biri. Osyǵan oraı qujatta taıaýdaǵy bes jylda bolýy múmkin dep boljanyp otyrǵan negizgi syn-qaterlerge qarsy is-qımylǵa basa mán berilgen.

Atap aıtqanda, birinshiden, koronavırýs pandemııasynyń jalǵasýy jáne bıologııalyq qaýipsizdiktiń basqa da qaterleri. Ekinshiden, ekonomıkany, eńbek qatynastaryn, áleýmettik salany, aqparattyq keńistik pen kommýnıkatsııany túbegeıli ózgertetin tehnologııalyq ózgerister. Úshinshiden, qarjy-ekonomıka salasyna áser etken syrtqy naryqtardaǵy daǵdarys jaǵdaıy. Tórtinshiden, jahandyq jáne óńirlik arenada daǵdarystyń odan ári ýshyǵýy keri áser etedi.

Osyǵan baılanysty álemniń kóptegen damyǵan elderi qazirgi halyqaralyq jáne ishki jaǵdaılardy eskere otyryp, ulttyq qaýipsizdikti qamtamasyz etý jónindegi ózderiniń saıasatyn qaıta qaraıdy.

Sonymen qatar Qazaqstan Strategııasynda ulttyq qaýipsizdikti nyǵaıtýdyń negizgi basymdyqtary aıqyndaldy.

Azamattardyń, qoǵam men memlekettiń qaýipsizdigi birinshi orynǵa qoıylǵan. Strategııada adamı kapıtal salasyndaǵy qaýipsizdikti qamtamasyz etýge, eń aldymen, ulttyń zııatkerlik áleýetin saqtaýǵa jáne ulǵaıtýǵa nazar aýdarylady. Bıologııalyq qaýipsizdikti qamtamasyz etý jónindegi keshendi jumystarmen birge qoǵamdyq densaýlyq saqtaý isin damytý máselesi de ulttyq qaýipsizdiktiń bazalyq faktorlarynyń qataryna engizildi.

Atalǵan baǵyt quqyq qorǵaý organdary men sot júıesi jumystarynyń tıimdiligin arttyrýdy, halyqty quqyq buzýshylyqtardyń barlyq túrinen qorǵaýdy qamtıdy.

Ekonomıkalyq qaýipsizdiktiń mindetteri aıtarlyqtaı túzetildi. Qaýipsizdikti qamtamasyz etý turaqty ósýdiń jańa modeline kóshýge, ekonomıkanyń tehnologııalyq kúrdeliligin arttyrýǵa, ónimdiligi joǵary jumys oryndaryn ashýǵa jáne halyqtyń tabysyn arttyrý úshin jaǵdaı jasaýǵa baılanysty.

Atap aıtqanda, basty baǵyttar azyq-túlik qaýipsizdigi, qarjy júıesiniń turaqtylyǵy, kólik-tranzıt salasyndaǵy qaterlerdi azaıtý bolyp tabylady.

Budan bólek basymdyqtardyń qatarynda ekologııalyq qaýipsizdik, sonyń ishinde, ekojúıelerdi qorǵaý ǵana emes, tabıǵı resýrstardy basqarý da bar. Munda eldiń sý qaýipsizdigi erekshe oryn alady.

Tabıǵı jáne tehnogendik apattardyń aldyn alý jáne olardyń zardaptaryn barynsha azaıtý jónindegi jumysty júıeli túrde kúsheıtý talap etiledi.

Aqparattyq qaýipsizdik salasynda kıber qaýipterge qarsy is-qımyl, qazaqstandyqtardyń jeke derekterin qorǵaý, aqparattyq ınfraqurylym, strategııalyq nysandar jáne ulttyq aqparattyq keńistiktiń qorǵalý deńgeıin arttyrý mańyzdy ról atqarady.

Qorǵanys qabiletin qamtamasyz etý, ulttyq múddelerdi halyqaralyq arenada ilgeriletý máseleleri ulttyq qaýipsizdiktiń dástúrli baǵyttarynyń qataryna jatady. Sonymen birge olardyń mazmuny jańa aımaqtyq jáne jahandyq syn-qaterlerge, sonyń ishinde, gıbrıdti jáne asımmetrııaly syn-qaterlerge baılanysty eleýli ózgeristerge ushyrady.

Árbir basym baǵyt boıynsha aldyn alý tetikteri jáne qaterlerdiń aldyn alý jónindegi naqty sharalar ázirlendi. Olar ulttyq qaýipsizdik táýekelderin basqarý jónindegi is-qımyl jospary arqyly iske asyrylady, sondaı-aq, ulttyq jobalarǵa jáne memlekettik josparlaý júıesiniń basqa da qujattaryna enedi.

Sonymen qatar Strategııa azamattardyń, qorshaǵan ortanyń qorǵalýyna, áleýmettik-ekonomıkalyq sala men halyqtyń ál-aýqatyna tónetin qaterlerdi tómendetýge qatysty naqty nysanaly kórsetkishterdi aıqyndaı otyryp, tolyq qoldanbaly mánge ıe bolady.

Strategııalyq táýekelderdi basqarýdyń ozyq ádisteri negizinde ındıkatorlardyń biryńǵaı júıesi qalyptastyrylady. Bul Strategııany iske asyrý jónindegi sharalarǵa jedel monıtorıng júrgizýge, olardyń azamattar men memlekettiń qaýipsizdik jaǵdaıyna áserin baǵalaýǵa múmkindik beredi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT