+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

QR Premer-Mınıstri ShYU yntymaqtastyǵyn damytý boıynsha birqatar bastama kóterdi

2019 jylǵy 2 qarasha 13:07
Bólisińiz:
QR Premer-Mınıstri ShYU yntymaqtastyǵyn damytý boıynsha birqatar bastama kóterdi

TAShKENT. QazAqparat – QR Premer-Mınıstri Asqar Mamın ShYU aıasynda ekonomıkalyq yntymaqtastyqty damytý boıynsha bastamalar toptamasyn usyndy, dep habarlaıdy primeminister.kz

QR Premer-Mınıstri Asqar Mamın Tashkent qalasyna sapary aıasynda Shanhaı Yntymaqtastyq Uıymyna (ShYU) múshe memleketterdiń Úkimetter basshylary keńesiniń (ÚBK) 18-shi otyrysyna qatysyp, onda Uıymǵa qatysýshy elderdiń saýda-ekonomıkalyq, tsıfrlyq, kólik jáne basqa da salalardaǵy naqty yntymaqtastyǵyn nyǵaıtý boıynsha birqatar bastamalar kóterdi.

Shaǵyn quramdaǵy kezdesý barysynda A. Mamın ShYU Bankin jáne ShYU damytý qoryn qurý boıynsha jumystardy jandandyrýdy, Uıymǵa múshe memleketterdiń ózara eseptesýlerinde ulttyq valıýta úlesin arttyrý jónindegi «Jol kartasyn» birlesip ázirleýdi, ShYU-ǵa múshe memleketterdiń qarjy mınıstrleri men ortalyq bankteriniń basshylarynyń kezdesýlerin qaıta jańǵyrtýdy usyndy.

Qazaqstan Úkimetiniń basshysy taraptardyń kólik-logıstıkalyq baǵyttaǵy nátıjeli jumystaryn atap ótti. A. Mamın baqylaýshy memleketterdiń ShYU-ǵa múshe memleketterdiń temirjol salasyndaǵy ózara is-qımyly tetikterine qatysýyn keńeıtýdi, júkterdi avtomobılmen tasymaldaý úshin ruqsat blankterin berýdiń avtomattandyrylǵan júıesin engizýdi jedeldetýdi jáne ShYU-ǵa múshe memleketterdiń birlesken Avtomobıl joldaryn damytý baǵdarlamasyn bekitýdi usyndy.

QR Premer-Mınıstri ShYU-ǵa múshe memleketterdiń kópjaqty saýda-ekonomıkalyq yntymaqtastyǵy Baǵdarlamasyn is júzine asyrý jumystaryna kásipkerlerdiń ulttyq palatalaryn tartý qajettigi týraly málimdedi, sondaı-aq ShYU Hatshylyǵynyń halyqaralyq qarjy mekemelerimen baılanystarynda ilgeriletý úshin ShYU ınvestıtsııalyq jobalarynyń Biryńǵaı tizimin ázirleýdiń mańyzdylyǵyn aıtty.

Keńeıtilgen quramdaǵy otyrysta Qazaqstan Úkimetiniń basshysy ShYU, EAEO, ASEAN jáne EO arasyndaǵy kópjaqty dıalog formatynda saýda-ekonomıkalyq yntymaqtastyqty damytý qajettigin basa aıtty.

«Qazaqstannyń Tuńǵysh Prezıdenti - Elbasy Nursultan Nazarbaevtyń Eýropa men Azııadaǵy iri aımaqtyq birlestiktermen jáne jobalarmen seriktestik qarym-qatynastar ornatý boıynsha «Úsh dıalog» týraly bastamasy erekshe nazar aýdarýǵa turarlyq», - dedi A. Mamın.

Qazaqstan Úkimetiniń basshysy ShYU-ǵa qatysýshy memleketterdi AHQO alańyn jańa qarjy ónimderi men tehnologııalaryn testileý úshin paıdalanýǵa shaqyrdy.

«Búginde Qytaı, Reseı jáne Ózbekstan qarjy tehnologııalary kompanııalary osyndaı múmkindikti paıdalanyp úlgerdi», - dep atap ótti QR Premer-Mınıstri.

A. Mamın Tsıfrlyq ekonomıkany damytý jónindegi keńesti qurý bastamasyn kóterdi.

«Bul keńes 5G, «Aqyldy qalalar», aýqymdy derekter, blokcheın, tsıfrlyq aktıvter tárizdi jańa tehnologııalyq elementterdi bizdiń elderimizde engizý boıynsha ózara tıimdi seriktestikti damytý, sondaı-aq data-ortalyqtardy salý jáne ornalastyrý, derekter tranzıtin damytý, tsıfrlyq qyzmetterdiń jahandyq naryǵyna qatysý alańyna aınalar edi», - dedi QR Premer-Mınıstri.

Úkimet basshysy ShYU elderin Qazaqstanda qurylǵan «Jasyl» tehnologııalardy damytý jáne ınvestıtsııalyq jobalardyń halyqaralyq ortalyǵyn turaqty damý strategııasyn damytý jáne ozyq tájirıbelerdi almasý úshin paıdalanýǵa shaqyrdy.

«Qazaqstan Prezıdenti Qasym-Jomart Toqaev «Shanhaı Yntymaqtastyq Uıymynyń róli men áleýeti áli túgesilgen joq. Bul Uıymnyń bolashaǵy zor» dep sanaıdy», - dedi A.Mamın.

ShYU ÚBK shaǵyn jáne keńeıtilgen quramdaǵy otyrystarynyń qorytyndylary boıynsha 14 qujat qabyldandy, onyń ishinde birlesken kommıýnıke, Kópjaqty saýda-ekonomıkalyq yntymastastyq baǵdarlamasynyń jańa redaktsııasy, ShYU-ǵa múshe memleketterdiń temirjol kóligi salasyndaǵy temirjolda ákimshilendirýdegi Ózara is-qımyl tujyrymdamasy, ShYU Ekonomıkalyq saraptaý ortalyqtary konsortsıýmynyń reglamenti, ShYU Qalalarynyń ekologııalyq qolaılylyǵyn damytý baǵdarlamasy jáne t.b. bar.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT