+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

QR Premer-Mınıstri men Tatarstan Prezıdenti  úsh avtomobıl jasaý jobasyn bastap berdi

2020 jylǵy 27 qyrkúıek 18:16
Bólisińiz:
QR Premer-Mınıstri men Tatarstan Prezıdenti  úsh avtomobıl jasaý jobasyn bastap berdi

QOSTANAI. QazAqparat - Búgin Qostanaı qalasynda QR Premer-Mınıstri Asqar Mamın men Tatarstan Prezıdenti Rýstam Mınnıhanov kelissóz júrgizip, Qazaqstanda 261 mlrd teńge ınvestıtsııaǵa úsh birlesken avtomobıl jasaý jobasyn iske asyrýdy bastap berdi, dep habarlaıdy QazAqparat Úkimet basshysynyń baspasóz qyzmetine silteme jasap.

Uqsas jańalyqtar
Úkimet áleýmettik-ekonomıkalyq damýdyń naqtylanǵan boljamyn maquldady

Atap aıtsaq, bular - Qostanaı Indýstrııalyq aımaǵynda «KAMAZ» shoıyn quımasyn jáne júk tehnıkasynyń kópirlerine arnalǵan quramdas bólshekter óndirý zaýyttaryn salý, sondaı-aq Qaraǵandy oblysynyń Saran qalasynda avtomobıl shınalary óndirisin ashý jobalary.

Qostanaı qalasynda shoıyn quımasyn jáne júk tehnıkasynyń kópirlerine arnalǵan komponentterdi óndirý zaýyttarynyń qurylysyna arnap tas qoıý rásimine RF ónerkásip jáne saýda mınıstriniń orynbasary A. Morozov, «KAMAZ» JAQ bas dırektory S. Kogogın jáne «AgromashHoldıngKZ» AQ dırektorlar keńesiniń tóraǵasy A. Lavrentev qatysty.


Birlesken kásiporyndardyń jobalyq qýattylyǵy jylyna 40 myń quıylǵan komponentti (tsılındr bloktary, tsılındr bloktarynyń bastıekteri jáne júk avtomobılderine arnalǵan kópir karteriniń tutas quıylǵan arqalyqtary) jáne júk avtomobılderiniń jetekshi kópirleriniń bas berilisteriniń 86 myń redýktoryn quraıdy. Investıtsııanyń jalpy kólemi — 150,7 mlrd teńge. Shektes salalardy eskere otyryp, shamamen 1 200 jańa jumys orny qurylady. Ónimdi jergiliktendirý deńgeıi 60-70%-ǵa jetedi. Zaýyttardy salýdy 2023 jyly aıaqtaý kózdelgen.


Jobalardy iske asyrý Qazaqstandy TMD naryǵyndaǵy júk tehnıkasyn iri óndirýshi jetkizýshilerdiń jahandyq tehnologııalyq tizbegine qosady — «KAMAZ» JAQ – ónimniń 95%-y eksporttalady. A. Mamın men Tatarstan Prezıdenti R. Mınnıhanovtyń qatysýymen Qaraǵandy oblysynyń ákimdigi men «Tatneft» JAQ arasynda avtomobıl shınalaryn óndirý jobasyn Qaraǵandy oblysynyń Saran qalasynda iske asyrý týraly ınvestıtsııalyq memorandýmǵa qol qoıyldy. Zaýyttyń óndiristik qýattylyǵy jeńil tehnıkaǵa arnalǵan 3 mln shına men kommertsııalyq tehnıka jáne avtobýstarǵa arnalǵan 500 myń shınany quraıdy. Munda 1 myńnan astam jańa jumys orny qurylady. Investıtsııanyń jalpy kólemi shamamen 111 mlrd teńgeni quraıdy. Jobany 2022 jyly iske asyrý josparlanǵan.


QR Úkimetiniń basshysy avtomobıl jasaý salasyndaǵy jańa jobalar Qazaqstan men Reseı arasyndaǵy ónerkásiptik kooperatsııanyń naqty praktıkalyq keńeıýin aıǵaqtaıtynyn atap ótti. «Avtomobıl jasaý salasyndaǵy óndiris kólemi jyl basynan beri 51,8%-ǵa ulǵaıdy, negizgi kapıtalǵa salynǵan ınvestıtsııalar 6,6 eseden astamǵa – 9,4 mlrd teńgege deıin artty», — dedi A. Mamın. Úkimet basshysyna aýyl sharýashylyǵy tehnıkasyn jınaý jáne kádege jaratý zaýytyn, sondaı-aq «KAMAZ» ınjınırıng ortalyǵyn ashýdyń birlesken Qazaqstan – Reseı jobalary tanystyryldy. Іs-shara aıasynda avtomobıl jasaýda birlesken jobalardy iske asyrý boıynsha 8 kelisimge, onyń ishinde kólik quraldary men aýyl sharýashylyǵy tehnıkasyna komponentterdi ónerkásiptik qurastyrý týraly kelisimge, ınvestıtsııalyq kelisimsharttarǵa, qarjy lızıngi, uzaq merzimdi jetkizý sharttaryna, ǵylymı-zertteý jumystaryn júrgizý jáne mashına jasaý úshin kadrlardy daıarlaý máseleleri boıynsha yntymaqtastyq týraly memorandýmǵa qol qoıyldy.
Úkimet basshysyna aýyl sharýashylyǵy tehnıkasyn jınaý jáne kádege jaratý zaýytyn, sondaı-aq «KAMAZ» ınjınırıng ortalyǵyn ashýdyń birlesken Qazaqstan – Reseı jobalary tanystyryldy. Іs-shara aıasynda avtomobıl jasaýda birlesken jobalardy iske asyrý boıynsha 8 kelisimge, onyń ishinde kólik quraldary men aýyl sharýashylyǵy tehnıkasyna komponentterdi ónerkásiptik qurastyrý týraly kelisimge, ınvestıtsııalyq kelisimsharttarǵa, qarjy lızıngi, uzaq merzimdi jetkizý sharttaryna, ǵylymı-zertteý jumystaryn júrgizý jáne mashına jasaý úshin kadrlardy daıarlaý máseleleri boıynsha yntymaqtastyq týraly memorandýmǵa qol qoıyldy.


Jumys sapary barysynda QR Premer-Mınıstri A. Mamın reseılik «KAMAZ» jáne «Tatneft», ózbektiń «UzAuto» kompanııalarynyń basshylyǵymen avtomobıl jasaý salasyndaǵy yntymaqtastyqty odan ári damytý keleshegin talqylady, sondaı-aq «SaryarqaAvtoÓnerkásip» AQ qyzmetimen, onyń ishinde óndiriske ázirlenip jatqan JAC avtomobıliniń jańa úlgilerimen tanysty.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT