+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

QR Premer-Mınıstri Tsıfrlandyrý jónindegi komıssııa otyrysyn ótkizdi

2021 jylǵy 19 sáýir 19:52
Bólisińiz:
QR Premer-Mınıstri Tsıfrlandyrý jónindegi komıssııa otyrysyn ótkizdi

NUR-SULTAN. QazAqparat - QR Premer-Mınıstri Asqar Mamın QR Prezıdenti janyndaǵy Tsıfrlandyrýdy engizý máseleleri jónindegi komıssııa otyrysyn ótkizdi, dep habarlaıdy QazAqparat primeminister.kz saıtyna silteme jasap.

Uqsas jańalyqtar
Asqar Mamın ákimderge azyq-túlik baǵasyn turaqtandyrýdy erekshe nazarda ustaýdy tapsyrdy Qazaqstan ekonomıkasy ósý jolyna tústi – Asqar Mamın 2022 jyldan bastap statsıonarlyq medıtsınalyq kómek kólemin bólý avtomattandyrylady


Aqparattyq-kommýnıkatsııalyq tehnologııalar salasyn jáne tsıfrlyq salany damytý tujyrymdamasy, «DigitEL» ulttyq jobasy, «Smart City» jobalaryn iske asyrý barysy týraly tsıfrlyq damý, Innovatsııalar jáne aeroǵarysh ónerkásibi mınıstri Baǵdat Mýsın, medıtsına salasyndaǵy jasandy zerdeni damytý týraly Densaýlyq saqtaý mınıstri Alekseı Tsoı, memlekettik organdardyń kadr júıesin tsıfrlandyrý máseleleri týraly Memlekettik qyzmet isteri agenttiginiń tóraıymy Anar Jaıylǵanova baıandady. Qaýipsizdik jáne tirshilikti qamtamasyz etý salalaryndaǵy tsıfrlyq jobalardy júzege asyratyn jeke kompanııalardyń ókilderi túsinikteme berdi.

«DigitEL» ulttyq jobasy (Digital Era Lifestyle) 5 baǵyt boıynsha 200-ge jýyq is-sharany qarastyrady. Jobany iske asyrý nátıjesinde 2021-2025 jyldar kezeńinde halyqty sapaly ınternetpen jáne elektrondyq densaýlyq pasporttarymen 100% qamtý, AT salasyna ınvestıtsııalardy jylyna 500 mlrd teńgege deıin, AT ónimderi men qyzmetteri eksportynyń jalpy kólemin 500 mln dollarǵa deıin, elektrondyq ónerkásip óndirisiniń kólemin 90 mlrd teńgege deıin, 100 myń jańa jumys ornyn qurý, óńirlerde 5 AT-mektep ashý kózdelgen.

Densaýlyq saqtaýdy tsıfrlandyrý sheńberinde jasandy zerdesi bar medıtsınalyq beınelerdiń Ulttyq qoımasyn (PAKS júıesi) qurý josparlanýda. Bul onkologııalyq aýrýlar men ókpe aýrýlaryn ýaqtyly jáne sapaly dıagnostıkalaýdy qamtamasyz etýge, shalǵaı óńirlerde bilikti dárigerlerdiń qoljetimdiligine táýeldilikti tómendetýge múmkindik beredi. Júıeniń tıimdiligi Almaty jáne Atyraý oblystarynda synaldy — onkologııalyq aýrýlardy erte satysynda anyqtaý 25% artty, ólim-jitim 15% tómendedi.

Qazaqstan ekonomıkasyn tsıfrlandyrýdyń negizgi jobalarynyń biri óńirlerdegi turmys sapasyn jaqsartýǵa baǵyttalǵan «Smart City» bolyp tabylady. Jobany iske asyrý nátıjesinde úsh jyl ishinde jol-kólik oqıǵalarynan ólim-jitim 2 esege, kommýnaldyq qyzmetterge jumsalatyn shyǵyndar 30% deıin, quqyq buzýshylyqtar sany 20% tómendedi. Qoǵamdyq kólikti tsıfrlandyrý esebinen salyq jınaý 25-30% ósti.

QR «aqyldy qalalar» etalondyq standarty 11 baǵyttan turady jáne 100-den astam negizgi kórsetkish pen 100 bastamany qamtıdy. 2020 jyldyń qorytyndysy boıynsha «Smart City» tujyrymdamasyn iske asyrý boıynsha kóshbasshylar Almaty, Nur-Sultan jáne Qaraǵandy qalalary boldy. Eń az ball jınaǵan qalalar – Taraz, Aqtaý jáne Pavlodar.

Otyrysqa qatysýshylar qalalyq keńistikti beınebaqylaý júıelerimen, qoǵamdyq kólikte jol júrý aqysyn tóleýdiń elektrondyq júıesimen qamtýdy odan ári keńeıtý, bilim berý, densaýlyq saqtaý, TKSh, áleýmettik jáne basqa da salalarǵa «aqyldy júıelerdi» engizý máselelerin qarastyrdy. Premer-Mınıstr QR Prezıdenti janyndaǵy Reformalar jónindegi joǵary keńestiń otyrysynda «DigitEL» ulttyq jobasyn tanystyrýdy, sondaı-aq «aqyldy qalalar» etalondyq standartyn ózektendirýdi tapsyrdy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT