+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

QR Memlekettik hatshysy qazaqstandyq ǵylymdy odan ári damytý boıynsha birqatar naqty tapsyrmalar berdi

2016 jylǵy 12 mamyr 13:13
Bólisińiz:
QR Memlekettik hatshysy qazaqstandyq ǵylymdy odan ári damytý boıynsha birqatar naqty tapsyrmalar berdi

ASTANA. QazAqparat - Búgin Qazaqstan Respýblıkasynyń Memlekettik hatshysy Gúlshara Ábdiqalyqova Qazaqstan Respýblıkasy Táýelsizdiginiń 25 jyldyǵy aıasynda Nazarbaev Ýnıversıtetinde ótken «Zııatker Qazaqstan» atty dóńgelek ústel jumysyna qatysty.

Dóńgelek ústel jumysyna memlekettik organdardyń ókilderi, qazaqstandyq jáne sheteldik tanymal ǵalymdar, joǵary oqý oryndary men ǵylymı uıymdardyń basshylary, ǵylym salasyndaǵy qazaqstandyq sarapshylar qatysty.

Memlekettik hatshy óz sózinde Qazaqstan Respýblıkasynyń Prezıdenti N.Á.Nazarbaevtyń otandyq ǵylymnyń áleýetin ósirýge aıryqsha mán beretindigin atap ótti. «Qazaqstan-2050» Strategııasynda belgilengen mindetter ekonomıkanyń ǵylymdy qajet etetin salalaryn qurýmen baılanysty. Jańa tehnologııalyq deńgeıge shyǵý úshin ekonomıkanyń árbir salasy ınnovatsııalyq qadamdardy qajet etedi.

G. Ábdiqalyqova Memleket basshysynyń «bilimniń úsh buryshy» - bilim, zertteý jáne ınnovatsııa ekonomıkanyń ǵylymdy qajet etetin salalaryn damytýda negizgi ról atqaratynyn udaıy toqtalatynyn atap ótti. Memlekettik hatshy búkil álemde jahandyq básekelestikti quraıtyn joǵary bilikti mamandarǵa jáne ǵylymı zertteýlerdiń nátıjelerine, jańa tehnologııalarǵa degen suranystyń bar ekenine basa nazar aýdardy.

Memlekettik hatshy 2010 jyldan bastap Qazaqstannyń Jahandyq básekege qabylettilik ındeksi boıynsha óz pozıtsııasyn jaqsartqanyn aıtty. Aıtalyq, 2015 jyly «Innovatsııalyq áleýet» kórsetkishi boıynsha 31 pozıtsııaǵa (140 eldiń ishinde 112 orynnan 81 orynǵa), ǵylymı-zertteý uıymdarynyń sapasy boıynsha ınnovatsııada 29 pozıtsııaǵa (140 eldiń ishinde 101 orynnan 72 orynǵa), ǵalymdar men ınjenerlerge qoljetimdilik kórsetkishi boıynsha 21 pozıtsııaǵa (140 eldiń ishinde 91 orynnan 70 orynǵa) kóterilgendigi atalady.

Dóńgelek ústel barysynda úsh paneldik sessııa ótti, onda otandyq ǵylymdy odan ári damytý jáne qazaqstandyq ǵalymdardyń ǵylymı izdenisterin ilgeriletýdiń ózekti máseleleri jan-jaqty talqylandy.

Memlekettik hatshy zertteýdiń ishki resýrstaryn damytýdyń mańyzdylyǵyna, shet elden ǵalymdardy, sonyń ishinde shet elde ǵylymı jumystarymen tanymal qazaqstandyq ǵalymdardy belsendi tartý qajettiligine erekshe nazar aýdardy.

Búginde Qazaqstanda ǵylymdy qajet etetin ekonomıkany qalyptastyrý úshin eki zııatkerlik-ınnovatsııalyq klaster - haıtek-park Nazarbaev ýnıversıtetindegi «Astana bıznes kampýs» jáne Almatyda «Alataý» tehnoparki quryldy. Naqty óndiristik jobalardy iske asyrý úshin klasterler bazasynda joǵary tehnologııalyq kompanııalar, sonyń ishinde sheteldik kompanııalar tartylatyn bolady.

Dóńgelek ústel qorytyndysy boıynsha Qazaqstan Respýblıkasynyń Memlekettik hatshysy G.N.Ábdiqalyqova memlekettik organdarǵa qazaqstandyq ǵylymdy odan ári damytý boıynsha birqatar naqty tapsyrmalar berdi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT