+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

QR Qorǵanys mınıstri sheteldik áriptesterine el áskeriniń pandemııamen kúrestegi eńbegin baıandady

2021 jylǵy 23 maýsym 21:22
Bólisińiz:
QR Qorǵanys mınıstri sheteldik áriptesterine el áskeriniń pandemııamen kúrestegi eńbegin baıandady

MÁSKEÝ. QazAqparat - Qazaqstan Respýblıkasynyń Qorǵanys mınıstri general-leıtenant Nurlan Ermekbaev Máskeýdegi IX Halyqaralyq qaýipsizdik jónindegi konferentsııaǵa qatysty, dep habarlaıdy QazAqparat.

Uqsas jańalyqtar
Almatyda epıdahýal kúrt nasharlady - Jandarbek Bekshın Qazyǵurtta birneshe toıhana ıesi karantın rejımin buzǵan - Túrkistan oblysy Atyraý oblysynda koronavırýs juqtyrǵandar sany taǵy kóbeıdi

Konferentsııany 2012 jyldan beri jyl saıyn Reseı Federatsııasynyń Qorǵanys mınıstrligi ótkizedi. Oǵan UQShU, ShYU, NATO-ǵa múshe elderdiń, Taıaý Shyǵys, Eýropa jáne Azııa elderiniń qorǵanys vedomstvolarynyń basshylary, halyqaralyq uıymdardyń basshylary, sondaı-aq akademııalyq toptardyń ókilderi men úkimettik emes sektordyń sarapshylary qatysady. Qazaqstan ókilderi forýmda jyl saıyn ózekti taqyryptarǵa baıandamalar jasaıdy.

Іs-shara áskerı vedomstvolardyń ózara qarym-qatynasyn nyǵaıtýǵa, jańa qaýip-qaýipterge qarsy is-qımyldyń birlesken joldaryn izdeýge baǵyttalǵan.

Konferentsııaǵa qatysýshylar halyqaralyq áskerı saıasattyń, jahandyq jáne óńirlik qaýipsizdiktiń úrdisteri men máselelerin talqylady. Olardy sheshýdegi qorǵanys vedomstvolarynyń atqaratyn qyzmeti mańyzdy.

Qorǵanys mınıstri general-leıtenant Nurlan Ermekbaev COVID-19 koronavırýs ınfektsııasymen kúreste áskerı vedomstvonyń atqarǵan jumysy týraly baıandama jasady. Ol pandemııa kezinde elde áskerdi paıdalanýdyń tájirıbesimen bólisti.

Atap aıtqanda, áskerı qyzmetshiler áleýmettik mańyzy bar obektiler men joldardy dezınfektsııalady. Blokpostarda qyzmet etti jáne eldi mekenderdi patrýldedi. Azamattyq densaýlyq saqtaý mekemelerine kómek kórsetý úshin dárigerlerden quralǵan brıgadalar bólindi. Áskerı-medıtsınalyq mekemeler qaıta jabdyqtaldy. Áskerı-kólik avıatsııasynyń kúshimen shetelden Qazaqstannyń azamattaryn ákeldi, sondaı-aq áskerler men júkterdi tasymaldady. Zapastaǵy áskerı qyzmetshilerdiń arnaıy jıyndary ótti.

Atalǵan sharalarǵa barlyǵy 13 myńnan astam áskerı qyzmetshi jumyldyryldy. Sarapshylardyń aıtýynsha, halyqtyń jalpy sanyna shaqqanda jumyldyrylǵan áskerı qyzmetshiler sany jaǵynan Qazaqstan álemde birinshi oryndardyń birin alady. Bul qazaqstandyq armııanyń koronavırýs ınfektsııasynyń taralýyna qarsy is-qımylǵa qosqan eleýli úlesin kórsetedi.

Tótenshe jaǵdaı kezeńinde is-qımyldar nátıjeleri boıynsha uıymdastyrý sıpatynda birqatar sheshimder qabyldandy. Atap aıtqanda, radıatsııalyq, hımııalyq, bıologııalyq qorǵaý jáne ekologııalyq qaýipsizdik áskerleriniń departamenti quryldy. RHBQ áskerleri, áskerı medıtsına, áskerı-kólik avıatsııasynyń múmkindikteri kúsheıtildi. «Qos maqsattaǵy» komponentterdiń múmkindikteri artyp, olar tek soǵysta ǵana emes, beıbit ýaqytta da suranysqa ıe boldy.

Osy oraıda, Qarýly Kúshter azamattyq qorǵanys organdarynyń mindetterin oryndady. Elimizde tótenshe jaǵdaılar mınıstrligi jumysyn qaıta bastady.

Konferentsııaǵa qatysýshylar Qazaqstan Respýblıkasy Qarýly Kúshteriniń COVID-19 pandemııasy kezeńindegi áreketterin joǵary baǵalady.

Qazaqstan qorǵanys vedomstvosynyń basshysy Qarýly Kúshterdegi jeke quramnyń densaýlyǵyn saqtaýda áskerı dárigerlerdiń joǵary kásibıligi men tıimdi jumysyn, sondaı-aq olardyń pandemııa kezinde koronovırýsqa qarsy is-qımylǵa qosqan zor úlesin jeke atap ótti. El áskerinde ekpe salý jalǵasýda. COVID-19-ǵa qarsy qajetti deńgeıde ujymdyq ımmýnıtet qalyptasty.

Budan ózge, sapar aıasynda general-leıtenant Nurlan Ermekbaev Máskeý oblysynda ornalasqan arnaıy maqsattaǵy áskerı bólimderdiń birin aralady. Mınıstr jaýyngerlik daıarlyqtyń barysymen jáne oqý-materıaldyq bazasymen tanysty.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT