QR Konstıtýtsııasy naqty qol jetkiziletin maqsattarǵa negizdelgen - I. Rogov

ASTANA. QazAqparat - Bizdiń Ata Zańymyz naqty qol jetkiziletin maqsattardy aıqyndaıdy. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Konstıtýtsııalyq Keńesiniń tóraǵasy Igor Rogov málim etti.

«Qazaqstan Konstıtýtsııasy naqty qol jetkiziletin maqsattarǵa negizdelip otyr. Sonymen qatar Ata Zańda bekitilgen quqyqtar qoǵamnyń, memlekettiń múmkindikterine negizdelgen»,-dep toqtaldy I. Rogov.

Osy rette ol Qazaqstan memlekettiń barlyq atrıbýttarymen egemendi jáne teń quqyly memleket retinde qalyptasqanyn, Qazaqstan álemniń básekege qabiletti elý eliniń qataryna kirgenin, endi «Qazaqstan-2050» Strategııasymen damyǵan 30 eldiń qataryna kirý maqsatyna jetýge ilgerilep kele jatqanyn atap ótti.

«Ata Zańdy qurmetteý, konstıtýtsıonalızm ıdeıalary men qaǵıdalaryna shynaıy berilgendik, olardy jappaı qoldaý - memleket aldynda turǵan joǵary maqsattarǵa jetýdiń kepili bolyp tabylady. QR Konstıtýtsııasymen belgilengen baǵytta múltiksiz júrý qajettigi jyl saıyn qoǵam sanasyna kóbirek sińirilýi tıis»,-dedi ol.