+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

QR QK Bas shtabynyń bastyǵy NATO áskerı komıtetiniń otyrysyna qatysty

2014 jylǵy 22 qańtar 20:07
Bólisińiz:
QR QK Bas shtabynyń bastyǵy NATO áskerı komıtetiniń otyrysyna qatysty

ASTANA. 22 qańtar. QazAqparat - Qorǵanys mınıstriniń birinshi orynbasary - QR Qarýly Kúshteri Bas shtabynyń bastyǵy general-polkovnık Sáken Jasuzaqov Brıýssel qalasynda NATO áskerı komıtetiniń jyl saıynǵy otyrysyna qatysty. Bul týraly Qorǵanys mınıstrliginiń baspasóz qyzmetinen habarlady.

Kezdesý Eýro-Atlantıkalyq áriptestik keńesi elderi formatynda NATO-ǵa múshe elder men áriptes elder bas shtab bastyqtarynyń deńgeıinde ótti. Taraptar ótken jyl ishindegi yntymaqtastyq nátıjesin jáne «Beıbitshilik jolyndaǵy áriptestik» baǵdarlamasy sheńberindegi ózara is-qımyldyń perspektıvalaryn, sondaı aq óńirlik jáne aımaqtyq qaýipsizdiktiń ózekti máselelerin talqylady.

«Qazaqstan - bizdiń kópvektorly saıasatymyzdyń mańyzdy quraýshysynyń biri jáne ulttyq jáne óńirlik qaýipsizdik júıesine úles qosatyn NATO-men yntymaqtastyqqa úlken mán beredi», - dep Sáken Jasuzaqov NATO áskerı keńesiniń tóraǵasy general Knýd Bartelspen kezdesý barysynda atap ótti.

Kelissózder barysynda taraptar Aýǵanstannyń turaqty damýy úshin halyqaralyq qaýymdastyqtyń salyp otyrǵan kúsh-jigerin talqylady.

Qazaqstan qazirgi ýaqytta Aýǵanstanǵa gýmanıtarlyq salada jáne bilim berý salasynda kómek kórsetýin jalǵastyrýda. Jyl saıyn 200 aýǵandyq stýdent Qazaqstanda bakalavrıat baǵdarlamasymen ınjener, pedagog, densaýlyq saqtaý, aýyl sharýashylyǵy salalary mamandyqtary boıynsha bilim alýda.

Budan basqa, Qazaqstan Aýǵanstandaǵy Qaýipsizdikke qoldaý kórsetý halyqaralyq kúshterine jer ústimen jáne áýemen júk tasymaldaý úshin aýmaǵyn usynyp otyr.

Sondaı-aq Brıýssel qalasyndaǵy NATO áskerı komıtetiniń otyrysy sheńberinde Qazaqstan Qarýly Kúshteri Bas shtabynyń bastyǵy bastaǵan áskerı delegatsııa Túrkııadan jáne Ulybrıtanııadan kelgen áriptesterimen ekijaqty kezdesýler ótkizdi.

General-polkovnık Sáken Jasuzaqov Qazaqstan Qorǵanys mınıstrliginiń armııa bitimgershilik áleýetin kóńil bóletinin atap ótti. QR Qarýly Kúshteriniń áskerı qyzmetshileri jyl saıyn bitimgershilik oqý-jattyǵýlarǵa qatysyp keledi.

Buryn habarlaǵanymyzdaı «Dala qyrany-2013» halyqaralyq oqý-jattyǵýy qorytyndysy boıynsha NATO sarapshylary «Qazbat» bitimgershilik batalonyna joǵary baǵa bergen bolatyn.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT