+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

QR Kásipodaqtar federatsııasynyń tóraǵasy Eraly Toǵjanov Jezqazǵan qalasyna bardy

2019 jylǵy 19 qarasha 19:12
Bólisińiz:
QR Kásipodaqtar federatsııasynyń tóraǵasy Eraly Toǵjanov Jezqazǵan qalasyna bardy

JEZQAZǴAN. QazAqparat - QR Kásipodaqtar federatsııasynyń tóraǵasy Eraly Toǵjanov Qaraǵandy oblysy Jezqazǵan qalasyna jumys saparymen bardy, dep habarlaıdy QazAqparat QR Kásipodaqtar federatsııasynyń baspasóz qyzmetine silteme jasap.

Uqsas jańalyqtar
Qazaqstanda eńbek qatynastaryn retteıtin vedomstvoaralyq komıssııa qurylady QR Kásipodaqtar federatsııasy men Qostanaı ákimdigi yntymaqtastyq Memorandýmyna qol qoıdy Birjan Nurymbetov Qazaqstan kásipodaqtaryn kásibı merekelerimen quttyqtady

QRKF tóraǵasy jumys saparyn «Qazaqmys» korporatsııasynyń Sátbaev qalasyndaǵy Shyǵys Jezqazǵan kenishi ken baıytý kesheni «Annensk» shahtasynan bastady. Shyǵys Jezqazǵan kenishi ken baıytý kesheninde 1 800 adam jumys isteıdi, onyń – 1 200 kenshi, onda úsh kásipodaq uıymy bar. Shahtaǵa túsip, 400 metr tereńdikte eńbek etip jatqan kenshilermen kezdesken E.Toǵjanov olardy tolǵandyrǵan máseleler jaıly surady.

«Kenishte qoldanylatyn tehnıkalar jańa, eńbek jaǵdaılary men qaýipsizdik máselesi de qalypty» degen shahterlar eń ózekti másele zeınet jasyn tómendetý ekendigin jetkizdi. QRKF tóraǵasy buǵan deıin Qaraǵandydaǵy kenshilermen kezdesýinde de osy másele kóterilgendigin, Kásipodaqtar federatsııasy óz tarapynan Parlamentke jáne Úkimetke usynystaryn daıyndap, jetkizetindikterin aıtty. Ken óndiriletin kenishtegi eńbek qaýipsizdigi men jazataıym jaǵdaılardy boldyrmaý máselesi jaıly da sóz qozǵaldy.

Budan keıin QR Kásipodaqtar federatsııasynyń tóraǵasy «Jezqazǵan qalalyq kópbeıindi aýrýhanasyndaǵy» medıtsına qyzmetkerlerimen kezdesti

Kezdesýde E.Toǵjanov bul óńirdegi alańdatatyn másele kásibı aýrýlardyń taralý kórsetkishiniń joǵary deńgeıde ekendigin basa aıtty. Onyń aıtýynsha, Eńbek gıgıenasy jáne kásibı aýrýlar ulttyq ortalyǵynyń málimeti boıynsha Qaraǵandy oblysynda kásibı aýrýlar kórsetkishi 2016 jyly – 166 , 2017 jyly – 218, al 2018 jyly – 170 adamǵa jetkendigine toqtaldy.

«Óndiristi óńirde eńbek etetin kenshilerdiń densaýlyǵyn jaqsartý men kásibı aýrýlardyń deńgeıin tómendetýge sizderdiń qajyrly eńbekterińiz arqyly qol jetkize alamyz», - dedi E.Toǵjanov.

Ol dárigerlerge qatysty oryn alǵan qylmystyq ister qoǵam aldynda dárigerlerdiń kásibı qaýipterden qorǵalmaǵandyǵyn, kásipodaqtardyń basty maqsaty – densaýlyq saqtaý salasy qyzmetkerlerine olardyń kásibı qyzmetinde qoldaý kórsetý bolyp tabylatyndyǵyn jetkizdi.

«Kásipodaqtar áleýmettik áriptesterimen birlese otyryp, quqyq alańynda Qazaqstan dárigerlerin kásiptik qyzmetinde qorǵaý quraldaryn ázirleýge belsendi qatysýda. Kásiptik odaqtar, laıyqty eńbekaqyny, áleýmettik kepilderdi, qyzmetkerler jumysynyń tıimdi uıymdastyrylýyn qamtamasyz etýge qol jetkizbekpiz» - dep atap ótti QRKF tóraǵasy.

Eraly Toǵjanov ózekti máselelerdiń biri aýyldyq eldi mekenderde jumys isteıtin jas mamandardy áleýmettik qoldaý máselesi ekendigin aıta kele, bul baǵytta oblystyq jáne aýdandyq medıtsınalyq uıymdarǵa qajetti jas mamandardy qoldaý maqsatynda QR Kásiptik odaqtar federatsııasy «SENIM» salalyq kásipodaǵymen birlese otyryp, qosymsha yntalandyrýshy tólem retinde jalpy quny 500 myń teńgelik sertıfıkattardy bekitkendigine toqtaldy.

Kezdesý sońynda QR Kásipodaqtar federatsııasy tóraǵasy «Jezqazǵan qalasynyń kópbeıindi aýrýhanasy» KMK bastaýysh kásipodaq uıymyna kásipodaqtar qozǵalysyn damytýdaǵy eńbegi úshin alǵys bildirip, birqatar kásipodaq belsendilerin marapattady.

Eraly Toǵjanov «Jezqazǵan Bıznes jáne kólik kolledji» JM ustazdar ujymymen júzdesti. Qurylǵanyna 10 jyl tolǵan kolledjde búgingi tańda óndiristi óńirde suranysqa oraı 14 mamandyq boıynsha 771 tehnıkalyq jáne kásiptik mamandar daıyndalady.

«Kásipodaqtar ustaz eńbegine memlekettik qoldaýdy kúsheıtý maqsatynda birqatar is-sharalardy júzege asyrdy. Qoǵamdaǵy muǵalim mártebesiniń artýy men nyǵaıýynyń basty kórsetkishi - Parlament Májilisiniń qaraýyna engizilgen «Pedagog mártebesi týraly» jańa zań jobasy. Pedagogtardyń áleýmettik múddelerin qorǵaý aıasynda kásipodaqtar osy qujattyń ázirlenýine belsendi qatysa otyryp, muǵalim mártebesi men bedelin arttyrýǵa qatysty óz ustanymyn bildirdi», - dep atap ótti E.Toǵjanov.

Kásipodaqtar uıymyn elimizdegi jastar arasyndaǵy jumyssyzdyq máselesi de alańdatady. Búginde Qazaqstanda 15-28 jas aralyǵyndaǵy 81 myń adam jumyssyz. Áleýmettik áriptestermen birlese otyryp, stýdentterdi ýaqytsha jumysqa tartýdy uıymdastyrý men jastar qozǵalysyn damytý boıynsha is-sharalar qabyldanady.

Osyǵan oraı, E.Toǵjanov bul kolledjdiń «Máńgilik el jastary: «Serpin-2050» baǵdarlamasynyń júzege asyrylýyna da ózindik úles qosyp otyrǵanyn atap ótti.

«Osy rette belgili bir ýaqyt aralyǵynda jumysqa ornalasa almaý jaıttary alańdaýshylyq týdyrady. Bir jyldan astam aralyqta jumyssyz júrý qarjylyq áleýetke ǵana emes, kásibı biliktilik pen adamnyń ózine degen senimdiligine keri yqpal etedi», - dedi Eraly Toǵjanov.

Aıta keterligi, 20 qarasha kúni QRKF tóraǵasy E.Toǵjanov Joshy han mazaryna táý etip, Jezqazǵan óńirindegi «Keleshek» jastar keńesiniń otyrysyna qatysady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT