+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

QR Qarýly Kúshteriniń ókilderi AQSh mamandarymen tájirıbe almasty

2013 jylǵy 1 qazan 18:00
Bólisińiz:
QR Qarýly Kúshteriniń ókilderi AQSh mamandarymen tájirıbe almasty

ASTANA. 1 qazan. QazAqparat - Astanada Qazaqstan Respýblıkasy Qorǵanys mınıstrligi ókilderi AQSh armııasy Áskerı kolledjiniń jáne Chehııa Ulttyq qorǵanys ýnıversıtetiniń oqytýshylarymen kezdesti. Semınar «Beıbitshilik jolyndaǵy áriptestik» baǵdarlamasy sheńberinde ótti. Bul týraly QR Qorǵanys mınıstrliginiń baspasóz qyzmetinen habarlandy.

Іs-sharaǵa sondaı-aq Qazaqstan Ulttyq qorǵanys ýnıversıteti áskerı-memlekettik basqarý fakýltetiniń professorlyq-oqytýshylyq quramy qatysty.

Professor Djon Bonın, doktor Skot Gorman jáne doktor ıAn Spıshak NATO blogy men AQSh qurlyq áskerleri áskerı doktrınalary júıesin, sondaı-aq óz elderi áskerı oqý oryndarynyń oqytý ádisteri týraly áńgimeledi, taktıkalyq operatsııalardy daıyndaý jáne ótkizýge batys elderi áskerı kózqarastarynyń transformatsııalaný baǵyttary talqylandy.

«Semınar barysynda alynǵan aqparat, bolǵan tájirıbe almasý, oqytýshylardyń kásibı deńgeıiniń sapasyn arttyrýǵa, qazirgi zaman jaǵdaıynda operatsııalardy daıyndaý jáne ótkizýge shet elderdiń kózqarasyn taldaýǵa kómek beredi», - dep Ulttyq qorǵanys ýnıversıteti bastyǵynyń orynbasary Albert Mýhametov atap ótti.

Semınarǵa qatysýshylar álemdegi jyldam ózgerip otyrǵan áskerı-saıası jaǵdaıdy, qarý-jaraq pen áskerı tehnıka jańa úlgileriniń, urys is-qımyldaryn júrgizýdiń jańa tásilderi men quraldarynyń paıda bolýyn eskere otyryp, kezdesý taqyrybynyń ózekti ekenin atap ótti.

Kezdesý senim men ózara túsinistik jaǵdaıynda jalǵasyp, oqytýshylar semınar taqyryby boıynsha qoıylǵan suraqtaryna tyńǵylyqty jaýaptar aldy.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT