+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

QR-daǵy Túrkııa elshisi Sırııadaǵy «Beıbitshilik qaınary» operatsııasy týraly aıtty

2019 jylǵy 12 qazan 16:07
Bólisińiz:
QR-daǵy Túrkııa elshisi Sırııadaǵy «Beıbitshilik qaınary» operatsııasy týraly aıtty

NUR-SULTAN. QazAqparat – Búgin Túrkııanyń Qazaqstandaǵy Tótenshe jáne Ókiletti Elshisi Nevzat Ýıanyk elordadaǵy dıplomatııalyq ókildikte ótken baspasóz máslıhatynda atalmysh eldiń Qarýly kúshteri Sırııadaǵy terrorızmge qarsy bastaǵan «Beıbitshilik qaınary» operatsııasyna túsinik berdi, dep habarlaıdy QazAqparat tilshisi.

«Túrkııa óziniń ulttyq qaýipsizdigine qaýip tóndiretin birqatar lańkestik uıymdarmen kúresti jalǵastyryp keledi. Halyqaralyq arenada terrorızmmen kúres úshin alǵa qoıylǵan bastamalarǵa árdaıym qoldaý kórsetip keldik. Túrkııa halyqaralyq quqyqtan týyndaıtyn ózin-ózi qorǵaý quqyǵyn qajet bolǵan jaǵdaıda oılanbastan paıdalanatynyn jetkizgen bolatyn. Túrkııa óz shekaralarynyń janynda lańkesterdiń bolýyna kóz juma qaraı almaıdy. Separatıstik maqsattary bar lańkestik toptardyń bolýy Sırııanyń aýmaqtyq tutastyǵy men birligine qaýip tóndirýde. Osy oraıda Túrkııanyń qarýly kúshteri 9 qazan kúni «Beıbitshilik qaınary» atty áskerı operatsııany bastady», - dedi Nevzat Ýıanyk.

Dıplomattyń aıtýynsha, operatsııa barysynda beıbit turǵyndar zardap shekpeýi úshin barlyq sharalar qolǵa alynýda. Sondaı-aq atalmysh operatsııa halyqaralyq quqyq negizinde BUU jarǵysynyń 51-babyna saı ózin-ózi qorǵaý quqyǵy sheńberinde jáne BUU Qaýipsizdik Keńesiniń terrorızmmen kúreske qatysty qaýlylaryna sáıkes Sırııanyń aýmaqtyq tutastyǵy men birligin saqtaı otyryp júrgizilýde.

Onyń aıtýynsha, Túrkııa 2017-2018 jyldary júzege asyrǵan «Evfrat qalqany», «Záıtún butaǵy» atty áskerı operatsııalary arqyly 4 myń shaqyrymdy qamtıtyn aımaqty DAISh (Qazaqstanda jáne ózge elderde tyıym salynǵan uıym), PYD («Demokratııalyq birlik partııasy») jáne YPG («Halyqtyq qorǵanys jasaqtary») atty lańkestik uıymdarynyń terrorlyq áreketterinen tazartty. Sonyń nátıjesinde 360 myńnan asa sırııalyq osy aımaqtardaǵy úılerine qaıta oralý múmkindigine ıe boldy.

Eske salaıyq, 9 qazan kúni Túrkııanyń Qarýly kúshteri Sırııanyń Evfrat ózeniniń shyǵysynda ornalasqan aýdandarda terrorızmge qarsy «Beıbitshilik qaınary» operatsııasyn iske asyrýǵa kiristi.

Bizdiń kanalymyzǵa jazylyńyz:

Bólisińiz:

Avtor:

Álı Ibraev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT