+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

QR Bas sanıtarlyq dárigeri koronavırýs órshigen elderge saparlamaýǵa keńes berdi

2020 jylǵy 24 aqpan 16:59
Bólisińiz:
QR Bas sanıtarlyq dárigeri koronavırýs órshigen elderge saparlamaýǵa keńes berdi

NUR-SULTAN. QazAqparat – Qazaqstannyń Bas sanıtarlyq dárigeri Jandarbek Bekshın koronavırýs ınfektsııasy órshigen elderge barmaýǵa keńes berdi, dep habarlaıdy QazAqparat tilshisi.

Uqsas jańalyqtar
Koronavırýs juqtyrǵan semeıliktiń jaǵdaıy jaqsaryp keledi Muqtaj azamattarǵa qoldaý kórsetý «Halyq únine qulaq asatyn memleket» tujyrymdamasyn tolyqtaı sıpattaıdy – Talǵat Nurǵojın Koronavırýs: Atyraý turǵyndaryna 1300-ge jýyq test jasaldy

«Qazirgi tańda Qytaı Halyq Respýblıkasynda jaǵdaı turaqty. Onyń sebebi ótken aptada kúndelikti ósý (koronavırýsqa shaldyǵý jaǵdaılary) bir kúnde 0,51 paıyz bolǵan edi. Odan keıin 1,1 paıyz (...) Mysaly, ótken táýlikte kúndelikti ósý 0,28 paıyzdy kórsetti. Qazir ol eń tómen deńgeıde. Ony qýanyshty ári jaqsy aqparat dep aıtýǵa bolady», - dedi Jandarbek Bekshın búgin Ortalyq kommýnıkatsııalar qyzmetinde ótken baspasóz máslıhatynda.

Dese de, Bas sanıtarlyq dáriger keıingi kezde basqa elderde koronavırýs ınfektsııasynyń órshýi alańdatyp otyrǵanyn aıtady.

«Ósý deńgeıi 22 aqpanda 24 paıyz bolsa, ótken táýlikte 21 paıyzdy kórsetti. Absolıýtti sandardy aıtar bolsaq, kúndelikti ósýi – 314 jaǵdaı boldy. Ótken táýlik boıynsha 347 jaǵdaı tirkeldi. Sondyqtan bul másele bizdi óte alańdatady. Sebebi osy elder qolaısyz memleketterdiń qataryna enýde. Olardyń qatarynda Ońtústik Koreıa – aýyrý deńgeıi boıynsha ekinshi orynda. Bul aýrý Koreıa Respýblıkasynyń kóbinese eki provıntsııasynda tirkelýde. Basqa da provıntsııalarynda 18 jaǵdaı bolǵan», - dedi ol.

Jandarbek Bekshın Ońtústik Koreıamen Qazaqstannyń jan-jaqty qarym-qatynasy baryn jetkizdi. Atap aıtqanda, qazirgi tańda ol eldiń aýmaǵynda Qazaqstannyń 23 myń azamaty júr. Odan bólek, zańsyz mıgratsııa da bar.

«Bizdi alańdatatyn taǵy bir el – Italııa. Ol elde resmı aqparat boıynsha 144 jaǵdaı (koronavırýsty juqtyrý), al Japonııada 132 jaǵdaı tirkeldi. Teńizdegi krýız laınerinde de 600-den astam jaǵdaı tirkelgeni aıtylǵan edi. Sol laınerde 3 jaǵdaı ólimmen aıaqtaldy. Bizdi alańdatatyn elderdiń ishinde Sıngapýr (89), Iran (43), Taıland (35), Malaızııa (22), Vetnam (16) bar. Men bul elderdi nege atap jatyrmyn? Qazaqstan turǵyndaryna aıtqym keledi: qazirgi tańda osy atalǵan elderge qajeti bolmasa barýdan bas tartý kerek. «Nege?» deseńiz - jaǵdaı kúnde-kúnde ózgerip tur. Bir ǵana Ońtústik Koreıa elin alyp qarasańyz, eki kúnniń ishinde bul el ekinshi orynǵa (vırýstyń anyqtalý jaǵdaıy boıynsha) shyǵyp ketti. Erteń osy elderde jaǵdaı qıyndaýy múmkin. Osyny este saqtaý kerek. Sondyqtan Ońtústik Koreıa, Italııa, Japonııa, Sıngapýr, Iran, Malaızııa, Avstralııa memleketterine saıahatty, basqa da bolsyn saparlardy josparlaýdyń qajeti joq. Sebebi Japonııadaǵy laıner sekildi jaǵdaıǵa ushyraý qaýpi bar», - dedi ol.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT