+7 (701) 759 90 19 Lenta
USD 389.52 EUR 429.21
RUB 6.07 CNY 54.94
Jańalyqtar

QR Bas prokýratýrasy Aqjarqyn Turlybaıdy elge qaıtarýǵa túsinik berdi

2019 jylǵy 18 qyrkúıek 11:53
Bólisińiz:
QR Bas prokýratýrasy Aqjarqyn Turlybaıdy elge qaıtarýǵa túsinik berdi

NUR-SULTAN. QazAqparat – Qytaıda Aqjarqyn Turlybaıǵa qatysty aıyptaý úkimi shyqqan jaǵdaıda, Qazaqstan tarapy onyń jazasyn elimiz aýmaǵynda óteýi boıynsha saýal joldaıdy. Bul týraly QR Bas prokýrorynyń orynbasary Marat Ahmetjanov málim etti, dep habarlaıdy QazAqparat tilshisi.

Uqsas jańalyqtar
Gýanchjoý sotynda Aqjarqyn Turlybaıdyń isine qatysty otyrys ótti

«Búginde ol úkimge shaǵym túsirý kezeńinde. Atap aıtqanda, Qytaımen arada bizde sottalǵandardy berý týraly ekijaqty kelisim bar. Endi qytaılyq sot tóreliginiń sońǵy kesimin kútemiz. Eger de aqtaý úkimi shyqsa, onda óte jaqsy bolar edi», - dedi M. Ahmetjanov Parlament Májilisinde tilshiler saýalyna jaýap bere otyryp.

QR Bas prokýrory orynbasarynyń sózine qaraǵanda, eger A. Turlybaı sotty bolsa, onda ol tıisti ótinish jasaýǵa quqyly. Osynyń negizinde QR Bas prokýratýrasy onyń jazasyn óteý merzimin Qazaqstan aýmaǵynda jalǵastyrýǵa baılanysty qujatty joldaıtyn bolady.

Eske sala keteıik, 21 jastaǵy qazaq qyzy Aqjarqyn Turlybaı 2014 jyldyń naýryz aıynda Qytaıdyń Malaızııamen shekarasynda esirtkimen ustalǵan bolatyn. Onyń júk sómkesinen 4,5 keli esirtki tabyldy, Aqjarqyn ol týraly bilmeıtinin málimdegen. Osy is boıynsha Qytaıdyń Gýanchjoý soty Aqjarqyn Turlybaıdy esirtki kontrabandasymen aıyptap, ómir boıyna bas bostandyǵynan aıyrdy. 2016 jyly 7 sáýirde apellıatsııalyq satydaǵy sot Aqjarqyn Turlybaıdy ómir boıyna bas bostandyǵynan aıyrý jazasyn ózgertý jáne isti birinshi satydaǵy sottyń qaraýyna jiberý týraly qaýly etken bolatyn.

Jaqynda Qazaqstan Prezıdenti Qasym-Jomart Toqaev Qytaıǵa memlekettik sapary barysynda osy el túrmesinde jatqan otandasymyz Aqjarqyn Turlybaıdyń máselesin kóterdi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT