QR Aýyr atletıka federatsııasy Albert Lınderdiń qazasy tóńiregindegi daýǵa pikir bildirdi

NUR-SULTAN. QazAqparat – Qazaqstannyń Aýyr atletıka federatsııasy sportshy Albert Lınderdiń qazasyna qatysty jaıtqa oraı resmı málimdeme jasady, dep habarlaıdy QazAqparat tilshisi.

«Kúni keshe Aýyr atletıkadan Qazaqstan quramasynyń burynǵy músheleri, onyń ishinde qaza tapqan Albert Lınderdiń aǵasy áleýmettik jelilerdegi paraqshalarynda qurama komanda bapkerlerine qatysty shaǵymdary men syndaryn aıtty. QR Aýyr atletıka federatsııasy bul isti baqylaýǵa alýǵa jáne árbir aıyptaýdyń mán-jaıyn anyqtaýǵa nıetti. Taıaý ýaqytta federatsııa atletterdiń árqaısysymen baılanysady jáne ishki tekserý júrgizedi. Qorytyndysy qosymsha jarııalanatyn bolady», - delingen federatsııa málimdemesinde.

Esterińizge sala ketsek, Jasóspirimder arasyndaǵy álem chempıony, ýnıversıada jeńimpazy, Qazaqstannyń birneshe dúrkin chempıony ziltemirshi Albert Lınder 26 jasqa qaraǵan shaǵynda qaıtys boldy.

Osydan keıingi tanymal aýyr atlet Ilıa Ilın Albert Lınderdiń qaıtys bolýyna baılanysty pikir bildirgen edi.