Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.05 EUR 428.25
RUB 5.84 CNY 54.65
Jańalyqtar

QPL: «Tobyl» men «Qaırat» arasyndaǵy kezdesýde 8 gol soǵyldy

2019 jylǵy 21 shilde 21:02 196
Bólisińiz:
QPL: «Tobyl» men «Qaırat» arasyndaǵy kezdesýde 8 gol soǵyldy

NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan birinshiliginiń 19-týryndaǵy Qostanaıdyń «Tobyly» men Almatynyń «Qaıraty» kezdesti, dep habarlaıdy QazAqparat tilshisi.


Aıta keterligi, eki komanda týrnır kestesinde alǵashqy úshtikte keledi. Ekeýi de elimizdiń atynan bıyl eýrokýbok oıyndaryna qatysty. «Tobyl» UEFA Eýropa lıgasy birinshi kezeńinde jarys jolynan shyǵyp qalsa, «Qaırat» endi atalmysh týrnırdiń ekinshi satysynda synǵa túsedi.

Qostanaı qalasynda ótkizilgen búgingi kezdesý «Tobyl» komandasy úshin sátti bastalǵan edi. Alań ıeleri sapynan 14-mınýtta Artýras Jýlpa esep ashsa, 31-mınýtta qostanaılyq fýtbolshy Maksım Fedın esepti ústemeleı tústi. Al 45-mınýtta «Qaırat» sapynan Erkebulan Seıdahmet gol soǵyp, esep aıyrmasyn qysqartty. Odan keıin almatylyq fýtbolshylar qatarynan úsh gol soqty. «Qaırat» shabýylshysy Marton Eppel 73 jáne 79 mınýttarda gol soqsa, 82-mınýtta almatylyq taǵy bir shabýylshy Aderınsola Eseola qanjyǵasyn maılady. Al 83-mınýtta «Tobyl» shabýylshysy Senın Sebaı qarsylastar qaqpasyn dál kózdedi. Oıyn núktesin 86-mınýtta «Qaırat» kapıtany Baýyrjan Islamhan penaltıden qoıdy. Nátıjesinde «Qaırat» alań ıelerin 5:3 esebimen jeńip ketti.

Búgin 19-týrda taǵy eki oıyn ótkizilip jatyr. Dál qazir «Taraz» ben «Jetisý», «Atyraý» men «Ordabasy» komandalary oınaýda.

Sondaı-aq, keshe «Aqtóbe» syrt alańda «Qaısardy», óz alańynda «Shahter» «Oqjetpesti» 1:0 esebimen jeńip ketti.

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT