Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 383.01 EUR 430.12
RUB 6.10 CNY 55.70
Jańalyqtar

QPL: «Qaırat» qatarynan tórtinshi márte jeńiske jetti

2019 jylǵy 16 maýsym 19:17 804
Bólisińiz:
QPL: «Qaırat» qatarynan tórtinshi márte jeńiske jetti

NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń 14-týr oıyndary odan ári jalǵasty, dep habarlaıdy QazAqparat tilshisi.

Budan buryn keshe Qostanaıdyń «Tobyl» komandasy «Aqtóbeni» 1:0 esebimen basym túskenin habarlaǵan edik.

Qazir Kókshetaýda jergilikti «Oqjetpes» pen Almatynyń «Qaırat» komandasynyń oıyny máresine jetti. Bul kezdesýde almatylyq klýb birinshi kezeńde esep ashty. Oıynnyń 9-mınýtynda «Qaırattyń» kapıtany Baýyrjan Islamhan óz komandasyn alǵa shyǵardy. Al 75-mınýtta Aderınsola Eseola esepti ulǵaıta tústi. Ol bıylǵy birinshiliktegi 11 golyn soǵyp, surmergender kóshin bastap tur. Oǵan 89-mınýtta «Oqjetpes» sapynan Sanat Jumahanov bir golmen jaýap berdi. Oıynda almatylyq klýb 2:1 esebimen jeńiske jetti. Aıta keterligi, sońǵy tórt kezdesýde «Qaırat» qatarynan jeńiske jetip keledi. Nátıjesinde dál qazir týrnır kestesinde úshinshi orynǵa kóterildi.

Dál qazir «Taraz» ben «Ertis» komandalary arasyndaǵy kezdesýdiń nátıjesi belgili boldy. Eki komanda da bıylǵy dop dodasyn súreńsiz ótkizip keledi. Qazir olar týrnır kestesinde 9 jáne 10 orynda tur. Búgingi kezdesýde olardyń biriniń upaıdy molaıtýǵa múmkindigi bolǵan joq. Nátıjesinde eki komanda 0:0 esebimen teń nátıjege qanaǵat bildirdi.

Sondaı-aq, qazir Taldyqorǵanda jergilikti «Jetisý» men Shymkenttiń «Ordabasy» komandalary arasyndaǵy kezdesýdiń birinshi kezeńi aıaqtaldy. Birinshi kezeńde shymkenttikter qatarynan Joaý Paolo 15-mınýtta gol soqsa, oǵan alań ıeleri sapynan 22-mınýtta Kamo Oganesıan bir golmen jaýap qaıyrdy. Osylaısha birinshi kezeń 1:1 esebimen teń aıaqtaldy.

Búgin Nur-Sultan ýaqytymen 19.00-de taǵy eki oıyn bastalady. Elordada jergilikti «Astana» Qyzylordanyń «Qaısar», Qaraǵandyda «Shahter» «Atyraý» komandalaryn qabyldaıdy. 

Endi 15-týr oıyndary 23 maýsym kúni ótkiziledi. Onda «Atyraý» men «Aqtóbe», «Ertis» pen «Shahter», «Qaırat» pen «Jetisý», «Qaısar» men «Taraz», «Ordabasy» men «Astana», «Tobyl» men «Oqjetpes» komandalary kezdesedi. 

 

 

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT