+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

QPL: «Astana» men «Qaırat» jeńiske jetti

2019 jylǵy 15 qyrkúıek 21:16
Bólisińiz:
QPL: «Astana» men «Qaırat» jeńiske jetti

NUR-SULTAN. QazAqparat - Búgin elimizdiń alty qalasynda fýtboldan Premer-lıga komandalary arasyndaǵy el birinshiliginiń 26-týr oıyndary ótti, dep habarlaıdy QazAqparat tilshisi.

Uqsas jańalyqtar
QPL: «Tobyl» óz alańynda «Ordabasydan» jeńilip qaldy QPL: «Jetisý» úzdikterge jaqyndaı tústi Fýtzaldan Chempıondar lıgasy: «Qaırat» jáne «Aıattyń» qarsylastary anyqtaldy

Pavlodarda jergilikti «Ertis» klýby «Tarazdy» 1:0 esebimen tize búktirdi. Ony 12-mınýtta pavlodarlyq oıynshy Deıan Georgıevıch soqty.

Týrnır kestesinde kósh basynda kele jatqan Qostanaıdyń «Tobyly» búgin óz alańynda Kókshetaýdyń «Oqjetpesin» 1:0 esebimen jeńdi. Jeńis golyn 86-mınýtta qostanaılyq shabýylshy Senan Sebaı óziniń enshisine jazdy.

Buǵan deıin týrnır kestesinde úzdik úshtikte kele jatqan Shymkenttiń «Ordabasy» komandasy óz alańynda oılamaǵan jerden Qyzylordanyń «Qaısar» komandasyna 0:2 esebimen jol berdi. «Qaısar» sapynan shabýylshy Kýle Mbombo 23 jáne 31 mınýttarda dýbl jasady.

Almatynyń «Qaıraty» bul týrda jaqsy oıyn órnegin kórsetti. Búgin óz alańynda Taldyqorǵannyń «Jetisý» klýbyn qabyldaǵan olar birinshi kezeńde úsh gol soǵyp úlgerdi. Ony Aderınsola Eseola 13, Ǵafýrjan Súıimbaev 19, Marton Eppel 31-mınýttarda oryndady. «Jetisý» sapynan 59-mınýtta Aıbar Jaqsylyqov esep aıyrmasyn qysqartqan edi. Dese de, 80-mınýtta Aderınsola Eseola taǵy bir goldyń avtory atandy. Osylaısha «Qaırat» 4:1 esebimen jeńiske jetti.

Sońǵy tórt týrda jeńilisten kóz ashpaǵan «Atyraý» bul týrda syrt alańda «Aqtóbemen» kezdesti. Aqtóbelikter alǵash bolyp esep ashty. Ony 23-mınýtta Abat Aıymbetov soqty. Degenmen oǵan «Atyraý» sapynan Edýard Sergıenko 38, Islamnýr Abdýlavov 45-mınýtta bir-bir goldan jaýap qaıyrdy. Al 64-mınýtta tarazy basy teńesti. «Aqtóbe» shabýylshysy Markos Pıtstsellı mergendik tanytty. Oıynnyń bitýine sál qalǵanda «Aqtóbe» oıynshysy Aslanbek Kákimov jeńis golyn soqty. Nátıjesinde «Aqtóbe» 3:2 esebimen jeńiske jetti.

Elordalyq «Astana» óz alańynda Qaraǵandynyń «Shahter» komandasymen kezdesti. «Shahter» oıynshysy Donet Shkodra 35-mınýtta esep ashty. Elordalyq klýb sapynan Marın Tomasov 54-mınýtta tarazy basyn teńestirdi. Al 66-mınýtta qaraǵandylyq Mılosh Vıdovıch óziniń qaqpasyna gol soǵyp aldy. Oıynda «Astana» 2:1 esebimen basym tústi.

Kelesi 27-týr oıyndary 22 qyrkúıekte ótkiziledi. Bul týrda «Jetisý» men «Astana», «Ordabasy» men «Aqtóbe», «Shahter» men «Tobyl», «Qaısar» men «Qaırat», «Oqjetpes» pen «Ertis», «Taraz» ben «Atyraý» komandalary kezdesedi.

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT