+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

QPL: «Astana» elordada «Qaıratty» jeńip, chempıondyqqa jaqyndaı tústi

2019 jylǵy 20 qazan 22:22
Bólisińiz:
QPL: «Astana» elordada «Qaıratty» jeńip, chempıondyqqa jaqyndaı tústi

NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan birinshiliginiń 30-týryndaǵy sońǵy oıyn ótkizildi. Bul match elordada «Astana» men Almatynyń «Qaırat» komandalary arasynda boldy, dep habarlaıdy QazAqparat tilshisi.

Uqsas jańalyqtar
Eýro-2020: Qazaqstan úshinshi orynǵa kóterile ala ma Fýtbol: «Taraz» premer-lıgadaǵy ornyn saqtap qaldy Eýro-2020: Qazaqstan San-Marınony jeńdi

Bul kezdesýdi jankúıerler asyǵa kútkeni ras. Eki komanda bıyl chempıondyq ataqqa talasyp keledi. Búgingi oıynda jeńiske jetken komanda úshin sol ataqqa qol jetkizý múmkindigi arta túsetini belgili.

Osyndaı jaǵdaıdy jete túsingen eki komanda negizinen shabýylǵa ıek artty. Bir-birine laıyqty qarsylyq kórsetip jatty. Oıynnyń 8-mınýtynda «Astana» sapynan Marın Tomasov alystan qaqpany dál kózdep, óz komandasyn alǵa shyǵardy. Budan keıin «Qaırat» oıynshylary tarazy basyn teńestirýge umtyldy. Alań ıelerin birshama ýaqyt tyqsyryp baqty. Áıtse de óz kózdegenine jete alǵan joq.

Ekinshi kezeńde de oıyn barysy dál osylaı órbip jatty. Bul kezeńde alań ıeleri taǵy bir gol engizdi. Áýelete berilgen dopty «Astana» shabýylshysy Sergeı Hıjnıchenko 61-mınýtta baspen uryp, qaqpa torynda týlatty. Osylaısha elordalyq klýb 2:0 esebimen alǵa shyqty. Oıynnyń 68-mınýtynda qaırattyq Rade Dýgalıch esep aıyrmasyn qysqartqan edi. Oıyn núktesin 90-mınýtta Rangelo ıAnga qoıdy. «Astana» búgingi kezdesýde 3:1 esebimen jeńiske jetti.

Qazirge deıin atalmysh týrdaǵy bes oıyn ótkizildi. Onyń ekeýi keshe bolsa, úsheýi búgin oınaldy.

Endi «Qaırat» 3, «Astana» 4 oıyn ótkizedi. «Qaırat» 26 qazanda óz alańynda «Tobylmen» oınasa, «Astana» «Aqtóbeni» qabyldaıdy. Odan keıin «Astana» 30 qazanda Kókshetaýda keıinge qaldyrylǵan 25-týrda jergilikti «Oqjetpespen» jasyl alańǵa shyǵady. Al 3 qazanda almatylyq klýb syrt alańda «Ertispen» kezdesse, elordalyq komanda «Tobylmen» sheberlik baıqasady. Sońǵy týrda «Astana» «Ertis», «Qaırat» «Atyraý» komandalaryn qabyldaıdy.

Bizdiń kanalymyzǵa jazylyńyz:

Basty sózder: Nur-Sultan, Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT