+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

«Qozy Kórpesh – Baıan sulý» alǵash balet túrinde sahnalanady

2021 jylǵy 24 maýsym 21:48
Bólisińiz:
«Qozy Kórpesh – Baıan sulý» alǵash balet túrinde sahnalanady

NUR-SULTAN. QazAqparat – Elordada qazaq ádebıetindegi tanymal týyndylardyń biri «Qozy Kórpesh – Baıan sulý» lıro-epostyq jyry alǵash ret sahnada balet túrinde qoıylady, dep habarlaıdy QazAqparat tilshisi.

«Qoıylymǵa 3 aı boıy daıyndalyp kelemiz. «Qozy Kórpesh – Baıan sulý» lıro-epostyq jyry buǵan deıin sahnalanǵanymen balet túrinde alǵash ret qoıylǵaly otyr. Sondyqtan jaýapkershilik mol, daıyndyq jumystary áli de júrip jatyr. Kórermenderdiń kóńilinen shyǵý úshin bar kúshimizdi salyp jatyrmyz. Onyń ústine atalǵan shyǵarmany tek Qazaqstanda emes, aldaǵy ýaqytta sheteldik kórermenderdiń nazaryna da usynatyn bolamyz. Qoıylymnyń qandaı deńgeıde sahnalanǵanyn kórermenderden estigimiz keledi», - dedi «Astana Balet» teatrynyń dırektory Aleksandr Sovostıanov.

Balet túrindegi «Qozy Kórpesh – Baıan sulý» lıro-epostyq jyry el Táýelsizdiginiń 30 jyldyq mereıtoıy men elorda kúnine oraı uıymdastyrylǵaly otyr.


«Nege Qozy Kórpesh – Baıan sulý» degen suraqqa kelsek, bul mahabbat pen sulýlyq, názik sezim men adamnyń bir-birine degen adaldyǵyn beınelep kórsetetin shyǵarma. Sonymen qatar, bul jyrda qastandyq jasaý, kek alý bar bul da ómirde bar nárse. Taǵy bir sebep Qazaqstanda ulttyq balet az. Osy oraıda otandyq baletke mán berýdi jón sanadyq», - dedi «Astana Balet» teatrynyń kórkemdik jetekshisi Nurlan Qanetov.

«Astana Balet» teatrynda sahnalanatyn qoıylymdy qoıýshy-baletmeıster retinde Reseıdiń eńbegi sińgen óner qaıratkeri Georgıı Kovtýn arnaıy shaqyrylǵan.

Aıta ketsek, «Qozy Kórpesh – Baıan sulý» baletiniń mýzykasyn QR Mádenıet jáne sport mınıstri Aqtoty Raıymqulova jazǵan.

Qoıylym 2-3 shilde kúnderi (saǵat 19:30 jáne 18:00-de) elordadaǵy «Astana Balet» teatrynda sahnalanady.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT